بھارتی کپتان روہیت شرما کا کووڈ ٹیسٹ ایک بار پھر مثبت آگیا ہے جس کے بعد وہ انگلینڈ کے خلاف  جمعہ سے شروع ہونے  ہونے والے ٹیسٹ میچ سے محروم ہو سکتے ہیں۔

تفصیلات کے مطابق 35 سالہ کھلاڑی دو مزید ٹیسٹوں سے گزریں گے  جس کے بعد ٹیم انتظامیہ ان کے انتخاب پر حتمی فیصلہ کرے گی تاہم  ان کی غیر موجودگی میں جسپریت بمراہ ایجبسٹن میں ٹیم کی قیادت کریں گے۔

واضح رہے کہ پچھلے ہفتے، روہیت شرما کورونا وائرس کے شکار ہوئے تھے جس کے بعد وہ ابھئی تک آئسولیشن میں ہیں۔

ہیڈ کوچ راہول ڈریوڈ نے کہاکہ ہماری میڈیکل ٹیم ان کی نگرانی کر رہی ہے ،میچ میں  دستیاب ہونے کے لیے  ان کا منفی ٹیسٹ آنا لازمی ہے لہٰذا ہم اس کی نگرانی کرتے رہیں گے۔

یہ بھی پڑھیں: روہیت شرما کا کووڈ ٹیسٹ مثبت آگیا

دوسری جانب جسپرتھ بمراہ نے ایک پریس کانفرنس سے خطاب کرتے ہوئے کہا تھا کہ اگر انہیں بھارت کی قیادت کرنے کا موقع دیا گیا تو یہ ان کے لئے  ایک اعزاز کی بات ہوگی اور میں کبھی بھی اس سے پیچھے نہیں ہٹوں گا ۔

کپتانی کے تجربے کی کمی کے باوجود، بمراہ نے کہا تھا کہ وہ قیادت کے فرائض انجام دینے کے لیے پراعتماد ہیں ۔

جسپرتھ بمراہ نے مزید کہا کہ مجھے جو بھی کردار دیا جائے گا میں اسے بہترین صلاحیت کے ساتھ کروں گا کیونکہ  جب آپ ٹیم کے سینئر ممبر ہوتے ہیں تو آپ ہمیشہ ایک لیڈر ہوتے ہیں،بنیادی طور پر آپ کوشش کرتے ہیں کہ تمام لوگوں کی مدد کریں۔