گورنرپنجاب نے کہا ہے کہ شہداء قوم کے ماتھے کا جھومر ہیں۔

گورنر پنجاب بلیغ الرحمن نے وزیر بلدیات سندھ سید ناصر حسین شاہ کے ہمراہ پریس کان فرنس کرتے ہوئے کہا کہ شہداء کوخراج عقیدت پیش کرناقوم پرلازم ہے، اقوام عالم میں قوم کواعلی مقام دلانے کیلئے ہرشخص کوکرداراداکرنا ہے۔

بلیغ الرحمن نے کہا کہ شہداء ہمیشہ زندہ رہتے ہیں جبکہ بہادرسپاہیوں نے عظیم مقصد کیلئے قربانیاں دی ہیں، بحری بری فضائی افواج قانون نافذکرنے والے اداروں کوخراج تحسین پیش کرتا ہوں۔

گورنر پنجاب بلیغ الرحمن نے مزید کہا کہ شہداء قوم کے ماتھے کا جھومر ہیں، قوم شہداء کے لواحقین کے ساتھ کھڑی ہے۔

اس موقع پر وزیر بلدیات سندھ سید ناصر حسین شاہ نے کہا کہ ہم آج یہاں اپنے شہیدوں کو سلام پیش کرنے موجود ہیں۔ ہمارے شہداء میں پولیس،رینجرز ، پاک فوج کے جوان اور سویلین ہیں، سب ہی ہمارے لئے قابلِ احترام ہیں۔

انہوں نے کہ کہ شہید ذوالفقار علی بھٹو کے نواسے، محترمہ بینظیر بھٹو شہید کے لخت جگر چیئرمین بلاول بھٹو زرداری نے شہداء کے لواحقین کے لئے پلاٹس دینے کے احکامات دیئے ہیں۔

ناصر حسین شاہ کا کہنا تھا کہ آج بہت سارے لوگ مختلف شعبے سے تعلق رکھنے والے لوگ یہاں موجود ہے لیکن ہم سب کے لئے جو اہم ہے وہ پاکستان ہے۔

وزیر بلدیات سندھ سید ناصر حسین شاہ کا مزید کہنا تھا کہ تقریب میں ملک کے مایہ ناز فنکاروں، کرکٹرز و دیگر شعبوں میں خدمات انجام دینے والے شخصیات کو شیلڈ پیش کر رہے ہیں۔