آئندہ مالی سال 2022.23 کے بجٹ تجاویز کی منظوری کے لئے سندھ کابینہ کا اہم  اجلاس آج ہوگا ۔

تفصیلات کے  مطابق وزیراعلیٰ سندھ مراد علی شاہ کی زیر صدارت سندھ کابینہ کا اہم اجلاس آج ہوگا جس میں بجٹ پر دی جانے والی تجاویز زیر غور آئینگی۔

اجللاس کے دوران سندھ کابینہ آئندہ مالی سال 2022.23 کے بجٹ تجاویز کی منظوری دے گی۔

خیال رہے کہ بجٹ سے متعلق سندھ کابینہ کا اہم اجلاس آج صبح 10 بجے ہوگا ۔

دوسری جانب سندھ حکومت نے بجٹ دستاویزات کو حتمی شکل دے دی ہے جس کے بعد سندھ حکومت  کا مالی سال 23-2022 کے لیے 1600 ارب سے زائد کا بجٹ کل ایوان میں پیش کیا جائے گا۔

وزیراعلی سندھ مراد علی شاہ بطور وزیرخزانہ سندھ اسمبلی میں بجٹ پیش کریں گے۔

سندھ بجٹ 2022.23:

 مالی سال کے بجٹ کا حجم 1600 ارب سے زاٸد کا ہوگا جوکہ سرکاری ملازمین کی تنخواہوں میں مجوزہ اضافے کے ساتھ پیش کیا جائے گا۔

 بجٹ تجاویز کے مطابق صوبائی حکومت نے سرکاری ملازمین کی تنخواہوں میں 10 سے 15 فیصد تک اضافے کی تجویز دی ہے جبکہ حکومت گریڈ 1-5 گریڈ کے ملازمین کے پے اسکیل پر نظرثانی پر بھی غور کر رہی ہے۔

بجٹ میں غیر ترقیاتی اور ترقیاتی بجٹ میں 130 ارب تک کے اضافہ کی تجویز ہے، ترقیاتی بجٹ 222 ارب سے بڑھا کر 260 ارب تک کرنے کی تجویز ہے۔

 سندھ حکومت نے صحت کے شعبے کے لیے 18.509 ارب روپے اور تعلیم کے لیے 27.449 بلین روپے مختص کرنے کی تجویز دی ہے۔

سابق بجٹ کے مقابلے میں اس بجٹ میں 90 لاکھ روپے تک کا اضافہ کیا گیا ہے۔

 آئندہ بجٹ میں ماں و بچے کی صحت سے متعلق پروگرام کو سندھ کے مزید اضلاع میں توسیع دی جائے گی، طلبہ کے لئے اسکالر شپ، نوجوانوں کو ووکیشنل و آئی ٹی ٹریننگ کے ساتھ وظائف بھی دیئے جائیں گے۔

سندھ حکومت نے کراچی کے لئے 41 ارب روپے کے فارن فنڈڈ منصوبے بجٹ میں شامل کرنے کا فیصلہ کیا ہے جبکہ بلو لائن بی آرٹی کے لیے 5 ارب روپے مختص کرنے کی تجویز ہے۔

 آئندہ بجٹ میں ماں و بچے کی صحت سے متعلق پروگرام کو سندھ کے مزید اضلاع میں توسیع دی جائے گی، طلبہ کے لئے اسکالر شپ، نوجوانوں کو ووکیشنل و آئی ٹی ٹریننگ کے ساتھ وظائف بھی دیئے جائیں گے۔

سندھ حکومت نے کراچی کے لئے 41 ارب روپے کے فارن فنڈڈ منصوبے بجٹ میں شامل کرنے کا فیصلہ کیا ہے جبکہ بلو لائن بی آرٹی کے لیے 5 ارب روپے مختص کرنے کی تجویز ہے۔