پاکستان کرکٹ ٹیم کے آل فارمیٹ کپتان بابر اعظم ایک اور ریکارڈ توڑنے سے چند قدم دور ہیں۔

تفصیلات کے مطابق بابر اعظم کو  ون ڈے کرکٹ میں  کم میچز میں 20 سینچریاں بنانے میں اب بھی 3 سینچریاں درکار ہیں۔

بابر اعظم کے پاس یہ ریکارڈ توڑنے کے لئے اب بھی  20 میچز باقی ہیں۔

اس سے قبل یہ ریکارڈ جنوبی افریقہ کے سابق اوپننگ بلے باز ہاشم آملہ کے پاس ہے جنہوں نے یہ سنگ میل  108 میچز میں عبور کیا۔

بابر اعظم نے اب تک 89 ون ڈے میچز میں پاکستان کی نمائندگی کرتے ہوئے 4442 رنز بنائے ہیں جس میں 17 سینچریاں اور 19 نصف سینچریاں شامل ہیں۔

دوسری جانب اکستان نے اپنا اگلا دورہ سری لنکا کا کرنا ہے جس دوران دونوں ٹیموں کے درمیان دو ٹیسٹ میچز پر مشتمل سیریز کھیلی جائے گی۔

یہ بھی پڑھیں: بابر اعظم نے ویرات کوہلی سے ایک اور ریکارڈ چھین لیا

سیریز کے لیے قومی ٹیم 6 جولائی کو سری لنکا پہنچے گی جس کے بعد سیریز سے قبل تین روزہ پریکٹس میچ کھیلا جائے گا۔

دونوں ٹیموں کے درمیان پہلا ٹیسٹ میچ 16 جولائی سے گال میں شروع ہوگا جبکہ دوسرا ٹیسٹ میچ 24 جولائی سے کولمبو میں کھیلا جائے گا۔

دورہ سری لنکا کے لیے قومی اسکواڈ کا اعلان بھی کردیا گیا ہے جس میں یاسر شاہ اور سابق کپتان سرفراز احمد کی واپسی ہوئی ہے جبکہ بابر اعظم کو کپتان اور محمد رضوان کو نائب کپتان رکھا گیا ہے۔

علاوہ ازیں اسکواڈ میں عبداللہ شفیق، اظہر علی، فہیم اشرف، فواد عالم، حارث رؤف، حسن علی، امام الحق، محمد نواز، نسیم شاہ، نعمان علی، سلمان علی آغا، سرفراز احمد (وکٹ کیپر)، سعود شکیل، شاہین شاہ آفریدی اور شان مسعود کو شامل کیا گیا ہے۔