وزیراعلیٰ بلوچستان میرعبدالقدس بزنجو کی جانب سے گوادر کا دورہ کیا گیا ہے۔

تفصیلات کے مطابق وزیراعظم شہباز شریف کے دورہ گوادر سے قبل ہی وزیراعلیٰ بلوچستان میرعبدالقدس بزنجو گوادر پہنچ گئے ہیں۔

 اس موقع پر صوبائی وزراء سمیت رکن صوبائی اسمبلی میر حمل کلمتی مشیر برائے پبلک ہیلتھ انجینئرنگ لالہ ریشد اور دیگر احکام بھی  وزیراعلیٰ کے  ہمراہ موجود ہیں۔

وزیراعلیٰ بلوچستان میر عبدالقدس بزنجو وزیراعظم پاکستان میاں شہباز شریف گوادر سی پیک سمیت مختلف جاری ترقیاتی منصوبوں سے متعلق بریفنگ میں شرکت کرینگے۔

وزیراعظم پاکستان میاں شہباز شریف امن و امان کے حوالے سے  اجلاس کی صدارت کرینگے اور ماہی گیروں سے ملاقات بھی کریں گے اور مختلف ترقیاتی منصوبوں کا افتتاح بھی کرینگے۔

وزیراعظم پاکستان میاں شہباز شریف جی ڈی اے اسپتال کو انڈس اسپتال کراچی کو دینے کے مفاہمتی یادداشت اور  اران  سے ضلع گوادر کو سو میگاواٹ اضافی بجلی کی فراہمی کے مفاہمتی یادداشت پر دستخط کرنے کے تقریب میں شرکت کریں گے۔

وزیراعظم پاکستان گوادر میں عمائدین شہر اور ماہی گیروں سے بھی خطاب کرینگے۔

وزیراعظم دورہ گوادر کے موقع پر ماہیگیروں کے لیے پیکیج کا اعلان، سی پیک سمیت بلوچستان بھر میں جاری ترقیاتی منصوبوں سے متعلق جائزہ اجلاس کی بھی صدارت کرینگے۔