قدرت کا حیرت انگیزنظارہ؛ آج چاند 5 سیاروں کے ساتھ ایک قطارمیں دکھائی دے گا۔

اگرآپ فلکیات میں دلچسپی رکھتے ہیں توپھراس ہفتے آسمان پرایک خوبصورت نظارہ آپ کا منتظرہوگا، جوکہ صدیوں بعد ہی دکھائی دیتا ہے۔

خلائی جریدے اسپیس ڈاٹ کام کے مطابق چاند ستاروں اورخلا کی وسعتوں میں کھوج لگانے کے خواہنش مندوں کے لیے آج سے زمین کا چاند نظام سمشی کے دیگر5 ستاروں کے ساتھ ایک ترتیب تشکیل دے رہا ہے۔ جواہل زمین کے لیے صدیوں بعد ایک دل نشین ومحسورکن منظرپیش کرے گا۔

ماہرین فلکیات کے مطابق یہ نظارہ اس سے قبل 158 سال قبل دکھائی دیا تھا۔ چاند کی اس ترتیب میں 5 سیارے عطارد، زہرہ ، مریخ، مشتری اورزحل ایک قطارمیں اجائیں گے اوریہ ترتیب اگلے دودن یعنی 25 جون تک برقرار رہے گی۔

سورج کے ساتھ قربت کوبرقراررکھنے کے لیے یہ پانچوں ستارے ایک دل نشین پریڈ تشکیل دیں گے جو دیکھنے والوں کو حیرت سے گنگ کردینے کے لیے کافی ہے۔

اس حوالے سے خلائی ماہرین کا کہنا ہے کہ نظام شمسی میں سیاروں کی چاند کے ساتھ یہ ترتیب بہت ہی شاذ ونادرہوتی ہے۔ اس سے قبل یہ حیران کن نظارہ 5 مارچ 1864 میں دیکھا گیا تھا۔

اس مظاہرقدرت میں سب سے شانداربات تویہ ہے کہ چاند بہ ذات خود سیارہ نہیں ہے لیکن وہ بھی ان سیاروں کے ساتھ اس قطارکوترتیب دے گا۔

اگرچہ جون کے مہنے میں یہ پانچوں سیارے ترتیب پاچکے ہیں تاہم اس ماہ کے آخر تک انہیں واضح طورپردیکھا جاسکے گا۔

یہ ترتیب آسمان پرایک پھیلی ہوئی خم دارکمان کی شکل میں مشرق سے شمال مشرق اورپھرجنوب میں دکھائی دے گی۔

ماہرین کا کہنا ہے کہ اس دل آویزآسمانی پریڈ میں رات کے وسط تک زحل دکھائی دے گا، پھربتدریج مشتری اورمریخ ، اس کے 30 سے 40 منٹ بعد زہرہ اورطلوع افتاب سے کچھ دیرقبل عطارد دکھائی دے گا۔

رپورٹ کے مطابق چاند کی سیاروں کے ساتھ اس ترتیب سے زمین کو بھی اپنی پوزیشن کا تعین کرنے میں مدد ملتی ہے۔