نورعالم خان نے کہا ہے کہ مفتاح اسماعیل بڑکیں مارتے ہیں تو ایوان میں کیوں نہیں آتے؟
چیئرمین پبلک اکاؤنٹس کمیٹی نور عالم خان نے قومی اسمبلی اجلاس میں وضاحتی بیان دیتے ہوئے کہا ہے کہ میں پیٹرول اپنی گاڑی میں اپنی جیب سے ڈلواتا ہوں، اپنی گاڑی ہے، اپنے اخراجات خود برداشت کرتا ہوں۔
انہوں نے کہا کہ 1 لاکھ 50 ہزار روپے پر ہم سابق مراعات والوں سے زیادہ کام کرتے ہیں، کاش یہ احساس دوسرے لیڈرز کو بھی ہو، وہ جلسوں میں بھی ہیلی کاپٹر پر جاتے ہیں۔
نورعالم خان نے کہا ہے کہ ہم تو خود احتساب کررہے ہیں کیا وہ خود احتساب کرتے ہیں؟ خیبر پختونخوا میں پوچھیں وہاں کس کا احتساب ہورہا ہے؟ میرے حلقہ میں گزشتہ 6 سے 7 روز سے بجلی نہیں ہے۔
چیئرمین پبلک اکاؤنٹس کمیٹی نے کہا کہ اگر عمرانی حکومت کی آئی ایم ایف سے کوئی ڈیل ہے تو وہ معاہدہ لائیں، آئی ایم ایف سے پی ٹی آئی معاہدے کو ایوان میں لانا چاہیے۔
انہوں نے کہا کہ مفتاح اسماعیل بڑکیں مارتے ہیں تو ایوان میں کیوں نہیں آتے؟ بجٹ میں وزیر خزانہ ایوان میں نہ ہو تو بحث کا کیا فائدہ ہے؟
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News