رکن قومی اسمبلی ڈاکٹر عامر لیاقت حسین کے اچانک انتقال نے سب کو غمگین کردیا۔

سوشل میڈیا پر ایک ویڈیو وائرل ہوگئی ہے جس میں عامر لیاقت حسین کے گھر کے اندرونی مناظر دیکھے جاسکتے ہیں۔

انہوں نے سب سے پہلے اپنا ڈرائنگ روم دکھایا پھر کچن لے گئے اور کہا کہ میں کھانا بنانے کا بہت شوقین ہوں اور اپنا کچن میں نے تھوڑا بہت بنوایا ہے جبکہ آخر میں اپنا بیڈ روم دیکھایا۔

واضح رہے کہ رمضان ٹرانسمیشن کے بانی، میزبان ، سیاستدان، ٹیلی وژن اینکر، مذہبی اِسکالر اور میڈیا کی مقبول شخصیت ڈاکٹر عامر لیاقت حسین 9 جون کو کراچی میں انتقال کرگئے۔

عامر لیاقت حسین کو تشویشناک حالت میں اسپتال منتقل کیا گیا تھا جہاں ڈاکٹرز نے معائنے کے بعد انتقال کی تصدیق کی، جبکہ ان کے ڈرائیور جاوید نے پہلے ہی موت کی تصدیق کردی تھی۔

ڈاکٹرز کا کہنا ہے کہ عامر لیاقت حسین کو جب اسپتال لایا گیا تو وہ انتقال کر چکے تھے۔

ڈرائیور جاوید کا کہنا تھا کہ گھر میں عامر لیاقت کے کمرے کا دروازہ کھٹکھٹایا گیا تاہم اندر سے کوئی جواب موصول نہیں ہوا۔

عامر لیاقت حسین اپنے آبائی گھر خداداد کالونی میں موجود تھے، گھر پر موجود ملازمین دروازہ کھول کر اندر گئے تو وہ بے ہوش حالت میں بستر پر موجود تھے جس کے فوری بعد انہیں اسپتال منتقل کیا گیا۔

عامر لیاقت حسین کی تدفین عبداللہ شاہ غازی کے مزار میں کی گئی ہے، جہاں انکے والدین کی بھی قبریں موجود ہیں۔