دو بار160کلومیٹر فی گھنٹہ سے زیادہ کی رفتار سے بولنگ کی،محمد سمیع کا دعویٰ

ویب ڈیسک

28th Jun, 2022. 07:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دو بار160کلومیٹر فی گھنٹہ سے زیادہ کی رفتار سے بولنگ کی،محمد سمیع کا دعویٰ

پاکستان کے سابق فاسٹ بولر محمد سمیع نے دعویٰ کیا ہے کہ انہوں نے دو ڈیلیوریاں کیں جو 160 کلومیٹر فی گھنٹہ سے زیادہ تھیں لیکن وہ اسپیڈو میٹر کے ذریعے ریکارڈ نہیں کی گئیں۔

انہوں نے اپنے ایک بیان میں کہا کہ میں نے ایک بار دو گیندیں کیں جو 160 کلومیٹر فی گھنٹہ سے زیادہ تیز تھیں، بالترتیب 162 اور 164 تاہم پھر مجھے بتایا گیا کہ یہ مشین (اسپیڈو میٹر ) کی غلطی تھی اور گیندوں کو شمار نہیں کیا جا سکتا ۔

کراچی میں پیدا ہونے والے فاسٹ بولر نے کہا کہ تیز گیند باز کے کیریئر میں ایک یا دو مواقع ایسے ہوتے ہیں جب وہ 160 کلومیٹر فی گھنٹہ سے زیادہ کی رفتار سے باؤلنگ کرنے میں کامیاب ہوتے ہیں۔

انہوں نے کہا کہ اگر آپ مجموعی طور پر دیکھیں تو جس نے بھی 160 سے زیادہ کی رفتار سے باؤلنگ کی ہے، اس رفتار میں صرف ایک یا دو گیندیں ہوئی ہیں۔

واضح رہے کہ محمد سمیع نے 36 ٹیسٹ، 87 ون ڈے اور 13 ٹی ٹوئنٹی میں پاکستان کی نمائندگی کی اور تمام فارمیٹس میں 227 وکٹیں حاصل کیں۔

محمد سمیع کو 2016 ورلڈ کپ کے دوران ٹی ٹوئنٹی اسکواڈ میں شامل کیا گیا تھا اور انہوں نے اپنا آخری میچ موہالی میں آسٹریلیا کے خلاف کھیلا تھا۔