یوٹیلیٹی اسٹورز پر گھی کی قیمت300 روپے فی کلو کردی، مریم اورنگزیب

ویب ڈیسک

13th Jun, 2022. 12:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوٹیلیٹی اسٹورز پر گھی کی قیمت300 روپے فی کلو کردی، مریم اورنگزیب

وفاقی وزیر اطلاعات مریم اورنگزیب نے کہا ہے کہ یوٹیلیٹی اسٹورز پر گھی کی قیمت300 روپےفی کلو کردی ہے۔

مریم اورنگزیب نے اسلام آباد میں میڈیا سے گفتگو کرتے ہوئے کہا کہ 600 سیل پوائنٹس سے 6لاکھ سے زائد آٹے کے تھیلے فروخت ہوچکے ہیں، شہری کسی بھی یوٹیلیٹی اسٹور کے خلاف شکایت درج کراسکتے ہیں۔

انہوں نے کہا کہ وزیراعظم خود تمام چیزوں کو مانیٹرکررہے ہیں، 9 جون کو فوری طور پر 500زائد اسٹیشنری آٹے کے یونٹس قائم کیے گئے۔

وفاقی وزیر کا کہنا ہے کہ سستا ڈیزل، پیٹرول پر 27بلین کی سبسڈی دے رہے ہیں، آٹا، چینی، گھی کیلئے17 ارب روپے کی سبسڈی رکھی ہے، پرائس کنٹرول کمیٹیاں فعال کردی ہیں۔

مریم اورنگزیب نے کہا کہ یوٹیلیٹی اسٹورز پر گھی کی قیمت300 روپےفی کلو کردی، فی کلوگھی پر 250 روپےکی سبسڈی دے رہے ہیں۔

وفاقی وزیر نے کہا کہ خیبرپختونخوا میں یوٹیلیٹی اسٹورز کی تعداد کم ہے، گزشتہ چار سال میں گھی کی قیمت 600روپےفی کلو تک ہوگئی، یکم جون سے کے پی کے عوام کو سستا آٹا مل رہا ہے۔

انہوں نے مزید کہا کہ گزشتہ دور میں آٹا اسمگل کیا گیا، خیبرپختونخوا میں آٹے کیلئے 100 یوٹیلیٹی موبائل وین شروع کی گئیں، یوٹیلیٹی اسٹورز پر10 کلو آٹے کا تھیلا 400 روپے کا کردیا جبکہ خیبرپختونخوا کے یوٹیلیٹی اسٹورز پر بھی آٹا 400 روپے کا ہے۔