آرٹیکل 63 اے کی تشریح پرنظرثانی کے لیے سپریم کورٹ بار نے عدالتِ عظمٰی میں درخواست دائرکردی۔
تفصیلات کے مطابق سپریم کورٹ میں آرٹیکل 63 اے کی تشریح سے متعلق صدارتی ریفرنس کے معاملے میں نظرثانی کیلئے سپریم کورٹ بارنے درخواست میں عدالت سے استدعا کی کہ آرٹیکل 63 اے کی تشریح سے متعلق 17 مئی کی عدالتی رائے پر نظرثانی کی جائے۔
سپریم کورٹ بار ایسوسی ایشن کی جانب سے دائر درخواست میں مؤقف اختیار کیا گیا کہ منحرف اراکین کا ووٹ شمار نہ کرنے سے متعلق پیراگراف میں نظرثانی کرکے رائے واپس لی جائے۔
درخواست میں یہ بھی مؤقف اپنایا گیا کہ سپریم کورٹ کا منحرف ارکان کا ووٹ شمار نہ کرنے کی رائے خلاف آئین ہے۔ سپریم کورٹ کی رائے آئین میں مداخلت کے مترادف ہے۔
سپریم کورٹ بار نے درخواست میں یہ مؤقف بھی اختیار کیا کہ آرٹیکل 63 اے کے مطابق منحرف ارکان صرف ڈی سیٹ ہوں گے۔
Advertisement
درخواست میں وفاقی حکومت اور الیکشن کمیشن کو فریق بنایا گیا ہے۔
سپریم کورٹ نے آرٹیکل 63 اے کے تحت منحرف اراکین کا ووٹ شمار نہ کرنے کی رائے دی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
