اداکارہ اقرا عزیز اور یاسر حسین  نے دسمبر 2019 میں شادی کی تھی اور دونوں کا شمار شوبز کی معروف اور رومانوی جوڑیوں میں ہوتا ہے۔

اقرا عزیز اور یاسر حسین کی نئی تصاویر سوشل میڈیا پر مداحوں کی توجہ کا مرکز بن گئیں۔

یاسر حسین نے انسٹا گرام پر کچھ تصاویرپوسٹ کی ، جن میں دیکھا اج سکتا ہے کہ دونوں میاں بیوی دبئی میں موجود اُونچائی پر بنے ریسٹورنٹ میں ڈنر کر رہے ہیں۔

یاسر حسین نے کیپشن میں لکھا کہ میں اُونچائی سے ڈرتا ہوں لیکن اقرا تو اکشے کمار ہے۔ انہوں نے اُونچائی پر بنے ریسٹورنٹ میں زبردستی لے جانے پر اہلیہ کا شکریہ ادا کیا۔

اداکار نے بتایا کہ یہ ہمارا بہترین تجربہ رہا، تھوڑا ڈر لگا پر ڈر کے آگے کھانا تھا۔

دوسری جانب اقرا عزیز نے بھی اپنے دبئی ٹرپ کی چند تصاویر مداحوں کے ساتھ شئیر کی ہیں۔