منہ میں چھالے ہونے کی کوئی ایک وجہ نہیں ہوتی تاہم دیکھا گیا ہے یہ اکثر معدے کی گرمی کی وجہ سے جنم لیتے ہیں جس کے بعد آپ کاکھانا پینامحال ہوجاتا ہے کیونکہ جیسے ہی آپ تیز مصالحے دار کھانے کھاتے تو ان میں درد ہونے لگتا ہے ساتھ برش کرتے ہوئے اگر اس پر چوٹ لگ جائے توبھی تکلیف کا باعث بنتا ہے۔

 منہ میں چھوٹے سفید نشان گلابی سطح پر ابھر آئے ہیں تو یہ منہ میں چھالے یا زخم کی نشانی ہوتی ہے جبکہ یہ چھالے چھوٹے زخم ہوتے ہیں جو منہ کے نرم ٹشوز میں بنتے ہیں جو گال، مسوڑھوں اور زبان کسی بھی جگہ ہوسکتے ہیں۔

منہ میں چھالے ہونے کی صورت میں ایک تو طرف انسان مستقل درد کے برداشت کر رہا ہوتا ہے جبکہ ساتھ ہی کھانا پینا بھی مشکل ہوجاتا ہے ایسی صورت میں وہ چاہتا ہے کہ فوری اس کا علاج کیا جائے تاکہ اس تکلیف دہ کیفیت کو دورکیا جاسکے۔

یہاں پر منہ کے چھالوں سے نجات کے لئے چند گھریلو علاج بتائے جارہیں ہیں جو آپ کے درد میں کمی لانے اور زخم مندمل کرنے میں مدد فراہم کریں گے۔

ناریل کا تیل

ناریل کا تیل اپنے صحت بخش اجزاء کے ساتھ جراثیم کش خصوصیات رکھتا ہے اور بیکٹریا کے باعث ہونے والے منہ کے چھالوں کے علاج میں مددگار ثابت ہوسکتا ہے واضح رہے کہ یہ بات ایک طبی تحقیقی رپورٹس میں سامنے آئی ہے۔

صرف یہی نہیں ناریل کا تیل ورم کش خصوصیات بھی رکھتا ہے اس طرح درد اور سرخی کودور کرنے بھی مدد دیتا ہے اس تیل کی کچھ مقدار متاثرہ حصے پر لگائیں اور اس عمل کو دن میں کئی بار دہرائیں یہاں تک کہ چھالے ختم نہ ہوجائے۔

بیکنگ سوڈا

بیکنگ سوڈا ہر گھر میں موجود ہوتا ہے جو مختلف پکوانوں میں استعمال ہونے کے ساتھ منہ کے چھالوں کو دور کرنے کی بھی صلاحیت رکھتا ہے اس میں موجود اکلائن اس تیزابی کیفیت کو معمول پر لاتا ہے جو منہ کے چھالوں کی وجہ بنتا جبکہ یہ بیکٹریا کو ختم کرکے ان چھالوں کے فوری علاج میں مدد دیتا ہے۔ اس مقصد کے لئے ایک چائے کے چمچ بیکنگ سوڈا آدھے کپ گرم پانی میں ملائیں اور اس سے کلیاں کریں۔

ایلوویرا

صحت کی بات ہو یا حسن بڑھانے کی ایلو ویرا جیل حیرت انگیز خصوصیات رکھتا ہے یہی وجہ ہے کہ یہ اپنے صحت بخش اجزاء کی بدولت منہ کے چھالوں یا زخموں کو تیزی سے مندمل کرنے کی صلاحیت رکھتا ہے اور ساتھ ہی درد میں کمی کا باعث بنتا ہے۔ اس کے لئے اس جیل کی کچھ مقدار متاثرہ حصوں پر لگائیں اور زخم صحیح  ہونے تک اس عمل کو دہراتے رہیں۔

میگنیشیا کا دودھ

میگنیشیا کے دودھ میں ایسے اجزاء پائے جاتے ہیں جو منہ کی تیزابیت کم کرنے میں مددفراہم کرتے ہیں اور یہی تیزابیت چھالوں کو تکلیف دہ بناتی ہے۔ اس لئے کوشش کریں کہ اس دودھ کی کچھ مقدار منہ میں بھریں اور کلی کر دیں یا اس دودھ میں روئی ڈبو کر چھالوں یا زخم پردن میں کئی بار لگائیں۔

ٹی بیگ

چائے میں کئی طرح کے صحت بخش اجزاء پائے جاتے ہیں جومنہ کے چھالوں سے فوری نجات میں مددگار ثابت ہوسکتے ہیں اس کے لئے ٹی بیگ کو پانی میں بھگوکر چھالوں پر چند منٹ کے لئے رکھیں، اس مقصد کے لئے کیمومائل ٹی بیگ بے حد مفید ہیں اس میں شامل کیمیکل سوجن کم کر کے اس حصے کو سن کر دیتے ہیں اس طرح درد میں کمی کے ساتھ اس کے صحیح ہونے کی رفتار بھی تیز ہوجاتی ہے۔

 شہد

شہد ایک مکمل غذا ہونے کے ساتھ بہترین دوا بھی ہو جوکئی مسائل کے حل کا فوری علاج ہے ان ہی میں منہ کے چھالے بھی شامل ہیں، شہد کو براہ راست چھالوں پر لگائیں کیونکہ اس میں جراثیم اور ورم کش خواص پائے جاتے ہیں جو تکلیف دہ چھالوں سے فوری نجات دلاکر آرام کا سبب بنتے ہیں کوشش کریں کہ اصلی شہد استعمال کیاجائے۔

 نمک ملا پانی

یہ بات سننے میں عجیب لگتی ہے لیکن نمک ملا پانی منہ کےچھالوں سے تیزی سے نجات دلانے میں معاون ثابت ہوتا ہے ماہرین کے مطابق ایک چائے کا چمچ نمک ایک کپ نیم گر پانی میں ملائیں جبکہ اس میں آدھا چائے کا چمچ بیکنگ سوڈا بھی شامل کیا جاسکتا ہے پھراس محلول سے کلیاں کریں اور تھوک دیں۔

وٹامن ای

وٹامن ای کو چہرے اور بالوں ے لئے تو استعمال کیا جاتا ہی ہے لیکن اسے منہ کے چھالوں کے لئے بھی بہترین تصور کیا جاتا ہے اس مقصد کے لئے وٹامن ای کی کچھ مقدار متاثرہ حصے پر لگادیں، اس تیل سے چھالے پر ایک کوٹنگ سی بن جائے گی جو اسے انفیکشن سے تحفظ دے گی اور جلد ٹھیک ہونے میں بھی مدد فراہم کرے گی۔

دہی کھائیں

دیکھا گیا ہے کہ منہ کے چھالوں کا اصل سبب معدے کی گرمی ہوتی ہے تو اس کے لئے ٹھنڈی تاثیر رکھنے والی غذاؤں کا استعمال بڑھا دیں جیسے دہی۔ اس کی تھوڑی سی مقدار کو روز غذا میں شامل رکھیں اس طرح چھالے نہ صرف ٹھیک ہو جائیں گے بلکہ دوبارہ ہونے سے بھی محفوظ رہیں گے۔

زیتون کا تیل

زیتون کا تیل اپنے صحت بخش خواص کی بناپر سب سے بہترین تیل تصورکیاجاتا ہے اس میں روئی ڈبوکر متاثرہ حصے پر کچھ دیر کے لئے لگا رہنے دیں، یہ منہ کے چھالوں سے فوری نجات دینے میں اپنی مثال نہیں رکھتا۔