آلو بخارے کو گھروں میں شوق سے کھایا جاتا ہے لیکن اگر آپ اس کے فوائد جان لیں تو حیران رہ جائیں گے۔

آلو بخارا پوٹاشیم، سیلینیئم اور دیگر منرلز کے ساتھ وٹامن سی اور بیٹاکیروٹین سے بھرپور ہوتا ہے۔

اس میں موجود وٹامن سی اور اینٹی آکسائیڈنٹس جلد کو نوجوان رکھنے میں مدد دیتے ہیں۔

اس کے علاوہ آلو بخارے میں کئی اقسام کے اینٹی آکسائیڈنٹس موجود ہیں جو کہ جسم کو فری ریڈیکلز سے ہونے والے نقصانات سے بچاتے ہیں جبکہ اس میں موجود فینولز نیورونز کو تکسیدی تناﺅ سے ہونے والے نقصان سے بھی بچاتے ہیں۔

آلوبخارے میں بائیو ایکٹیو کمپاﺅنڈ موجود ہوتے ہیں جو ذیابیطس کے مرض کا شکار ہونے سے بچاتے ہیں۔

 یہ پھل جسم میں بلڈ شوگر لیول ریگولیٹ کرنے والے ہارمون کی سطح بھی بڑھاتا ہے جبکہ اس میں موجود فائبر جسم کی کاربوہائیڈریٹ جذب کرنے کی رفتار کو سست کرتا ہے۔

 آلوبخارے کو کھانے کی عادت انسولین کی حساسیت بڑھاتی ہے جس سے ذیابیطس کے شکار افراد کے لیے اس مرض کی پیچیدگیوں سے بچنا آسان ہوجاتا ہے۔

یہ پھل غذائی فائبر کے حصول کا بہترین ذریعہ ہے جو کہ نظام ہاضمہ کو ریگولیٹ کرنے میں مدد دیتا ہے۔

آلو بخارا ہڈیوں کو 20 فیصد زیادہ مضبوط بناتا ہے اور ہڈیوں کو ریڈی ایشن سے تحفظ بھی فراہم کرتا ہے۔

مختلف طبی تحقیقی رپورٹس کے مطابق آلو بخارے میں موجود پولی فینولز دماغی افعال کو بہتر کرتا ہے جبکہ دماغی کولیسٹرول لیول کم کرتا ہے۔

آلو بخارا وٹامن سی اور بیٹا کیروٹین سے بھرپور ہوتا ہے جو کہ آنکھوں کی صحت بہتر کرنے میں مدد دیتا ہے جبکہ پٹھوں کی کمزوری اور موتیا وغیرہ سے بھی بچاتا ہے۔

اس کے علاوہ خشک آلو بخارے  کھانے سے شریانوں میں خون کا بہاﺅ بہتر ہوجاتا ہے جس کے نتیجے میں دل کو مختلف امراض جیسے کارڈیک اریسٹ، فالج و دیگر سے تحفظ مل سکتا ہے۔