گورنر پنجاب محمد بلیغ الرحمان نے کہا ہے کہ پاکستان کے بہتر مستقبل اور ترقی کے لیے معاشی استحکام اولین ترجیح ہے۔

بلیغ الرحمان سے ایم پی اے مجتبی شجاع الرحمان، سینیٹر عرفان صدیقی، سینیٹر معاون خصوصی  وزیراعظم، سابق وفاقی وزیر سائرہ افضل تارر اور جنید انوار چوہدری معاون خصوصی وزیراعظم کی ملاقات ہوئی جس میں حکومتی امور اور باہمی دلچسپی کے امور پر تبادلہ خیال کیا گیا۔

ملاقاتوں میں گورنر پنجاب کے مسلم لیگ ن کے سابق دور حکومت بحیثیت وفاقی وزیر تعلیم متعارف کرائے گئے اور قرآن بل کے عملدرآمد کے حوالے سے بھی گفتگو کی گئی۔

گورنر پنجاب ملاقاتوں میں گفتگو کرتے ہوئے کہا کہ ماضی میں جب تعلیم کے تعلیم کے شعبے میں کام کرنے کا موقع ملا تو یکساں نصاب تعلیم سمیت دیگر اقدامات اٹھائے۔

انہوں نے کہا کہ معاشرے میں رواداری اور برداشت پیدا کرنے کے لیے اسلامی تعلیمات کو عملی طور پر اپنانے کی ضرورت ہے۔

بلیغ الرحمان نے کہا کہ پاکستان کے بہتر مستقبل اور ترقی کے لیے معاشی استحکام اولین ترجیح ہے، موجودہ حکومت عوام کے لئے ترقی، انصاف اور مساوات کی اقدار کو فروغ دینے کے لیے کوشاں ہے۔

انکا کہنا ہے کہ جمہوریت اور وفاق کو مضبوط کرنا ترجیحات میں شامل ہے، بدقسمتی سے پچھلے ساڑھے تین سالوں میں معاشی بد حالی کے ساتھ اخلاقی قدروں کا زوال بھی ہوا۔

گورنر پنجاب نے کہا کہ مسلم لیگ ن کے سابق دور میں تعلیم سیمت ہر شعبے میں ترقی ہو رہی تھی، تعلیم کے میدان میں نوجوانوں کو اچھی تعلیم دینے کے ساتھ اخلاقیات کی تعلیم دینے کی بھی ضرورت ہے۔

محمد بلیغ الرحمان نے مزید کہا کہ یونیورسٹیوں میں معیار تعلیم بہتر بنانے کے ساتھ ساتھ ماحولیات پر کام کرنا بھی ترجیحات میں شامل ہے۔