آپ نے اکثر آدھے انسان آدھے جانور نما درندوں کی کہانیاں سنی ہوں گی، لیکن کیا یہ حقیقی ہیں؟ ان کہانیوں نے کس طرح جنم لیا؟

بگ فٹ

ممتاز کرپٹوزولوجسٹ اینڈی میک گراتھ نے دعویٰ کیا ہے کہ دنیا بھر میں افسانوی درندے “بِگ فٹ” کا نظر آنا ممکنہ طور پر دور دراز کے قبائلی انسان ہوسکتے ہیں، جو جنسی طور پر آپس میں اتنے ملوث ہو چکے ہیں کہ ان کے اس عمل نے ان کی نسلوں کو انتہائی وحشی بنا دیا ہے۔

اینڈی نے افسانوں، افواہوں اور نامعلوم، خطرے سے دوچار جانداروں کی رپورٹس پر کتابیں لکھی ہیں اور ان کی حفاظت کے لیے ایک ٹی وی سیریز پر بھی کام کر رہے ہیں۔

اینڈی کے کام کا زیادہ تر حصہ  ان گنت “آدھی آدمی آدھی بندر” نما مخلوق کے متعدد جگہوں پر نظر آنے کی کہانیوں پر تحقیق کرنا اور شکوک شبہات کو دور کرنے پر مبنی ہے۔

نگولوکو

اینڈی کا دعویٰ ہے کہ دنیا بھر میں بگ فٹ سے ملتی جلتی مختلف لوک داستانیں ہیں، ان میں مشرقی افریقہ کے دیوہیکل دلدل میں رہنے والا نگولوکو، یا جنوبی امریکہ کا پہاڑی ڈنڈا مارنے والا المستی بھی شامل ہے۔ لیکن درحقیقت یہ “وہ” لوگ ہو سکتے ہیں جو اِن بریڈنگ کی وجہ سے پیدا ہونے والی جسمانی خرابیوں کے ساتھ پیدا ہوئے ہیں۔

ان کا کہنا تھا کہ ” ممکن ہے ‘نگولوکو’ کسی غیر دریافت شدہ، قبیلے کی مثال پیش کرتا ہو، صرف اس کے پنجے نما ہاتھ کے بارے میں سوچیں جس میں صرف ایک انگلی اور انگوٹھا ہوتا ہے۔ خانہ بدوش واڈوما قبیلے کے پاؤں کا سائز دیکھیں، جسے “دو انگلیوں والا” یا “شتر مرغ کے پاؤں والا” قبیلہ بھی کہا جاتا ہے۔

اینڈی نے سنگل میوٹیشن کے نتیجے میں ہونے والی اس حالت کی وضاحت کی جو قبیلے کے اندر ان کے مختصر جین پول اور قبائلی قانون کی وجہ سے برقرار ہے، جس کے مطابق وہ قبیلے سے باہر شادی نہیں کر سکتے۔

نگولوکو نامی درندے کی رپورٹوں کو سپورٹ کرنے بجائے انہوں نے تجویز کیا کہ وہ صرف  واڈوما قبیلے کے ارکان ہو سکتے ہیں۔

المستی

المستی ایک اور افسانوی انسان نما مخلوق ہے جو وسطی ایشیا کے قفقاز اور پامیر پہاڑوں اور مغربی منگولیا کے الٹائی پہاڑوں میں آباد ہے۔

ہائپرٹرائکوسس جسے ویر وولف سنڈروم بھی کہا جاتا ہے، ایک ایسی حالت ہے جو اینڈی کے مطابق المستی کے دعووں کے پیچھے ہو سکتی ہے، کیونکہ یہ حالت کسی شخص کے جسم پر ضرورت سے زیادہ بالوں کی نشوونما کا سبب بنتی ہے۔

اینڈی نے کہا، ” یقینی طور پر یہ ناممکن لگتا ہے کہ انسانوں کی ایک جماعت، اس قدر باہمی طور پر ان بریڈ ہوئی ہو کہ ان کے جسمانی خصائص انسانی اور سیمین (بندر نما) خصوصیات کے ہائبرڈ سے مشابہت اختیار کرنے لگے ہوں، اور یہ سائنسی دریافت سے بچنے میں کامیاب ہو جائیں۔

سلواجے

تمام واقعات انسان نما بڑے بڑے درندوں کے بارے میں نہیں ہیں، جیسے سلواجے لوگ جس کا ترجمہ وحشی ہے۔

اینڈی نے مشورہ دیا کہ یانومامی ایمیزونیائی باشندوں کا ایک بڑا گروپ ہے جو کہ جدید تہذیب سے تقریباً اچھوتا ہے، شاید سلواجے کی کہانیوں سے میل کھاتا ہے۔

اینڈی کا دعویٰ ہے کہ تقریباً 38 ہزار نفوس پر مشتمل یانومامی، برازیل اور وینزویلا میں لاکھوں ہیکٹر پر دور دور تک شکار کرتے ہیں، جہاں باہر کے لوگ سفر کرنے کی ہمت بھی نہیں کرتے۔

انہوں نے مزید کہا کہ یہ قبیلہ اپنی پرتشدد بین القبائلی جنگوں اور بیویوں پر چھاپہ مار پارٹیوں کے لیے جانا جاتا ہے، یہاں تک کہ وہ غیر ملکی خواتین اور مسافروں کو بھی اغوا کرتے ہیں۔

ان کا اینڈو کینیبل ازم یعنی مُردوں کو کھانے کی روایت اور آپس میں شادی کا رجحان انہیں سلواجے بناتا ہے۔