افغانستان اور زمبابوے کے درمیا ن وارم اپ میچ میں افغانستان نے با آسانی 68 رنز سے شکست دے دی ہے۔

تفصیلات کے مطابق زمبابوے کے شہر ہرارے میں کھیلے گئے اس میچ میں افغانستان نے ٹاس جیت کر پہلے بیٹنگ کا فیصلہ کیا۔

افغانستان نے پہلے کھیلتے ہوئے مقررہ 50 اوورز میں  6 وکٹوں کے نقصان پر 272 رنز بنائے۔

افغانستان کی جانب سے رحمت شاہ نے 81 رنز کی شاندار اننگ کھیلی،عظمت اللہ عمرزئی 43 رنز بنا کر ناقابل شکست رہے،رحمان اللہ گرباز  32،نجیب اللہ زردان 29 جبکہ کپتان ہشمت اللہ شہیدی نے 34 رنز کی ننگ کھیلی۔

میزبان ٹیم کی جانب سے  ٹونی منیونگا اور برینڈن مووتا نے 2،2 وکٹیں اپنے نام کیں  جبکہ وکٹر نیوچی اور ٹپیوا مفودزا نے 1،1 وکٹ حاصل کی۔

ہدف کے تعاقب میں میزبان ٹیم 45 ویں اوور میں 204 رنز بنا کر آل آؤٹ ہوگئی۔

زمبابوے کی جانب سے اینوسینٹ  کائیا 53 رنز بنا کر ٹاپ اسکورر رہے،ریان برل 36،تفوادزوا   34،جوناتھن کیمپبیل17 جبکہ بریڈ ایوانس نے 10 رنز بنائے۔

افغانستان کی جانب سے فضل الحق فاروقی،مجیب الرحمٰن اور نور احمد نے 2،2 وکٹیں حاصل کیں جبکہ یمین احمد زئی ،فرید احمد اور عظمت اللہ عمر زئی نے 1،1 وکٹ حاصل کی۔