آج ہم آپ کو اپنی اس اسٹوری میں بتائیں گے کہ کس طرح آپ باورچی خانے میں موجود چند چیزوں کے استعمال سے پیٹ میں گیس کا خاتمہ کر سکتے ہیں۔

پیٹ کی گیس دور کرنے کے چند گھریلو نسخے

پیٹ میں گیس اور اس کا خارج ہونا ہمیں عجیب کیفیت میں مبتلا کر دیتا ہے اور یہ شرمندگی کا باعث بنتا ہے، لیکن یہ ایک قدرتی عمل ہے اور کبھی بھی ہم اس سے دو چار ہو سکتے ہیں۔

گیس کی وجہ سے ہمارے پیٹ میں درد اور مروڑ بھی ہوتی ہے اور تیزابیت بھی ہوتی ہے جس کہ وجہ سے کھانا پینا اور سکون سے بیٹھنا بھی مشکل لگتا ہے۔

چلیں تو جان لیں کہ کیسے ہمارے باورچی خانے میں موجود چند اجزاء سے ہم کیسے اس مسئلے سے نمٹ سکتے ہیں۔

• اجوائن

اجوائن میں ایک ایسا خاص مرکب ہوتا ہے جو ہمارے ہاضمے کے لئے انتہائی مفید ہے، یہ ہمارے جسم میں گیسٹرک جوس بناتا ہے اور اس کی وجہ سے ہم جو بھی کھاتے یا پیتے ہیں وہ جلدی ہضم ہوتا ہے۔

اگر آپ کو گیس ہو رہی ہے تو دن میں ایک مرتبہ پانی کے ساتھ آدھا چائے کا چمچ اجوائن استعمال چبا کر کھائیں اور پانی پی لیں، یہ بہت زبردست نسخہ ہے۔

• زیرے کا پانی

زیرہ ہمارے نظامِ ہاضمہ کو بہتر بنانے کے لئے مفید ہے، اگر آپ کو جلدی پیٹ کی گیس سے نجات چاہیئے تو 2 کپ پانی میں 1 کھانے کا چمچ زیرہ ڈال کر اس کو اُبالیں جب یہ ٹھنڈا ہو جائے تو کھانا کھانے کے بعد اس پانی کو پی لین بہت جلدی گیس کا مسئلہ ختم ہو جائے گا۔

• ادرک اور لیموں

ایک کھانے کا چمچ اردک کو کوٹ کر اس میں لیموں نچوڑیں اور ہر کھانے کے بعد یہ ایک چمچ استعمال کریں ادرک اگر ادرک کا ایک ٹکڑا کپ پانی میں ڈال کر اس کی چائے بنا کر استعمال کی جائے تو اس سے بھی گیس کا مسئلہ باآسان حل ہو سکتا ہے۔

تو یہ تھے آسان گھریلو اور سستے علاج جس کو اپنا کر آپ گیس کے مسائل سے نجات پا سکتے ہیں تو اب اگر کبھی پیٹ میں گیس کا سامنا ہو تو یہ نسخے آپ کے لئے کارآمد ثابت ہوں گے۔