کراچی سے پشاور جانے والا نجی ایئرلائن کا طیارہ خراب موسم کی خراب صورتحال کے باعث حادثے سے بال بال بچ گیا ہے جس پر نجی ایئرلائن کا مؤقف بھی سامنے آگیا ہے۔

ترجمان ایئرلائن کا کہنا ہے کہ طیارے کی ہنگامی لینڈنگ کا واقعہ 9 جون کو پیش آیا جس کی اصل وجہ موسم کی خرابی تھی ۔

ترجمان نے بتایا ہے موسم خراب ہونے اور ایئر پیکٹس کی وجہ طیارے کو فضاء میں شدید جھٹکے لگے جس کے باعث مسافر سدید خوف کا شکار ہوگئے تھے۔

اس دوران مسافر کلمہ طیبہ کا وِرد اور توبہ استغفار کرتے رہے تاہم طیارہ  فضا میں کئی چکر لگانے کے بعد بحفاظت لینڈ ہونے میں کامیاب رہا۔

ترجمان کے مطابق موسم خراب ہونے کے باعث پرواز کو ایئر ٹریبیولس کا سامنا کرنا پڑا تاہم پرواز پی اے 602 کو کپتان نے بحفاظت لینڈ کیا۔

ترجمان کا کہنا ہے کہ خراب موسم میں اس طرح واقعات ہونا نارمل ہیں تاہم پشاور کراچی کے درمیان مذکورہ پروازیں نارمل چل رہی ہیں۔

خیال رہے کہ  نجی ایئرلائن کی پرواز پی اے 602 نے ہنگامی لینڈنگ کی، خوش قسمتی سے جہاز نے بحفاظت لینڈ کیا اور تمام مسافر محفوظ رہے۔

جہاز کراچی سے پشاور آ رہا تھا جبکہ خراب موسم کی وجہ سے لینڈنگ سے قبل جہاز نے ہوا میں کئی چکر بھی کاٹے۔

ہنگامی لینڈنگ گزشتہ روز شام 05:31 بجے کی گئی۔