ایمریٹس کرکٹ بورڈ نے آج تصدیق کی ہے کہ یواے ای ٹی ٹوئنٹی انٹرنیشنل لیگ 6 جنوری سے 12 فروری 2023 کے درمیان کھیلی جائے گی،نئی لیگ کو انٹرنیشنل لیگ ٹی ٹوئنٹی کہا جائے گا۔

تفصیلات کے مطابق امارات کرکٹ بورڈ کے چیئرمین شیخ نہیان مبارک النہیان نے کہاکہ ایمریٹس کرکٹ بورڈ ریلائنس انڈسٹریز، کولکتہ نائٹ رائیڈرز، کیپری گلوبل، جی ایم آر، لانسر کیپٹل، اڈانی اسپورٹس لائن، براڈکاسٹر ذی  کا خیرمقدم کرتے ہوئے بہت خوش ہے۔

انہوں نے کہا کہ ایسے نامور، تجربہ کار نام اور شراکت دار کے طور پر یواے ای ٹی ٹوئنٹی  لیگ کے لیے اچھی بات ہے، ان شراکت داروں کے عزم کے ذریعے انہوں نے امارات کرکٹ بورڈ پر اعتماد کا اظہار کیا ہے کیونکہ ہم کھیل کو مستقبل میں لے جا رہے ہیں۔

انہوں نے کہا کہ جب ہم اس طویل سفر کا آغاز کرتے ہیں تو مجھے یقین ہے کہ مل کر ہم نئی بلندیوں کو حاصل کریں گے اور اس عمل کے دوران دنیا بھر کے لاکھوں شائقین کو تفریح ​​اور جوش و خروش فراہم کریں گے ۔

چھ ٹیموں پر مشتمل فرنچائز طرز کی لیگ 34 میچوں کے شیڈول میں متحدہ عرب امارات کے عالمی شہرت یافتہ، عالمی معیار کے مقامات پر کھیلی جائے گی۔

پہلا ایونٹ 6 جنوری اور 12 فروری 2023 کے درمیان کھیلا جانا ہے۔

یہ ٹورنامنٹ ایمریٹس کرکٹ کو اپنے مقامی ٹیلنٹ کو اعلیٰ سطح تک لے جانے کے لیے ایک قابل قدر پلیٹ فارم بھی فراہم کرے گا۔

بورڈ کے پروگرام کے ساتھ ساتھ ہائی پرفارمنس کوچنگ اور سلیکشن کمیٹی کی ٹیموں کی جانب سے شناخت کیے جانے والے افراد کو آج کے کھیل کے دنیا کے چند بہترین دماغوں کے ساتھ تربیت اور کھیلنے کا موقع دیا جائے گا۔

نہیان مبارک النہیان نے کہا کہ چھ ٹیموں پر مشتمل فرنچائز طرز کی لیگ 34 میچوں کے شیڈول میں متحدہ عرب امارات کے عالمی شہرت یافتہ، عالمی معیار کے مقامات پر کھیلی جائے گی، پہلا ایونٹ 6 جنوری اور 12 فروری 2023 کے درمیان کھیلا جانا ہے۔

یو اے ای کرکٹ بورڈ کے چیئرمین نے کہا کہ یہ ٹورنامنٹ ایمریٹس کرکٹ کو اپنے مقامی ٹیلنٹ کو اعلیٰ سطح تک لے جانے کے لیے ایک قابل قدر پلیٹ فارم بھی فراہم کرے گا۔