بجٹ کسی ایک جماعت کا نہیں بلکہ صوبے کے عوام کا بجٹ ہے، وزیراعلیٰ بلوچستان

ویب ڈیسک

28th Jun, 2022. 11:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ کسی ایک جماعت کا نہیں بلکہ صوبے کے عوام کا بجٹ ہے، وزیراعلیٰ بلوچستان

وزیراعلیٰ بلوچستان نے کہا ہے کہ بجٹ کسی ایک جماعت یا فرد کا نہیں بلکہ صوبے کے عوام کا بجٹ ہے۔

وزیراعلیٰ بلوچستان میر عبدالقدوس بزنجو نے صوبائی کابینہ سے خطاب کرتے ہوئے کہا کہ بجٹ میں ساتھ دینے پر کابینہ کے ساتھیوں اور پارلیمانی دوستوں کا شکر گزار ہوں۔

اس موقع پر وزیراعلیٰ بلوچستان نے متوازن اور عوام دوست بجٹ پیش کرنے پر کابینہ کو مبارکباد پیش کی جبکہ وزیراعلیٰ نے آئندہ بھی سب کو ساتھ لیکر چلنے کے عزم کا اظہار کیا۔

میر عبدالقدوس بزنجو کا کہنا تھا کہ بجٹ میں ہر ضلع کو قطع نظر سیاسی وابستگی یکساں ترجیح حاصل ہے۔

انہوں نے کہا کہ جو ماحول اس بجٹ سیشن میں اسمبلی میں نظر آرہاہے اسکی مثال ماضی میں نہیں ملتی۔

وزیراعلیٰ بلوچستان میر عبدالقدوس بزنجو کا مزید کہنا تھا کہ ہم نے بجٹ میں ہر شعبہ کو شامل کر کے احتجاج کے رجحان کا خاتمہ کیا، بجٹ کسی ایک جماعت یا فرد کا نہیں بلکہ صوبے کے عوام کا بجٹ ہے۔