پاکستان اور سری لنکا ویمنز ٹیم کے درمیان کھیلی گئے ون ڈے سیریز کے آخری میچ میں سری لنکا نے پاکستان کو 93 رنز سے با آسانی شکست دے دی ہے۔

تفصیلات کے مطابق  کراچی کے ساؤتھنڈ کلب کرکٹ اسٹیڈیم میں کھیلے گئے اس میچ میں سری لنکا نے ٹاس جیت کر پہلے بیٹنگ کا فیصلہ کیا۔

سری لنکا نےپہلے کھیلتے ہوئے مقررہ 50 اوورز میں 7 وکٹوں کے نقصان پر 260 رنز بنائے۔

سری لنکا کی جانب سے کپتان چماری اتھاپاتھو نے 101 رنز کی شاندار اننگ کھیلی،ہرشیتا مداوی 75،کویشا دل ہاری28 جبکہ نلاکشی  ڈی سلوا 24 رنز بنا کر ناقابل شکست رہیں۔

پاکستان کی جانب سے انم امین اور فاطمہ ثناء نے 2،2 کھلاڑیوں کو آؤٹ کیا جبکہ ندا ڈار اور عمائمہ سہیل نے 1،1 وکٹ حاصل کی۔

مہمان ٹیم کی جانب سےدیے گئے ہدف کے تعاقب میں  پاکستان ٹیم 42 ویں اوور میں 167 رنز بنا کر آل آؤٹ ہوگئی۔

پاکستان کی جانب سے عالیہ ریاض 56 رنز بنا کر نمایاں بلے باز رہیں،عمائمہ سہیل 40،سدرہ امین 19،فاطمہ ثناء 2 جبکہ کپتان بسمہ معروف بغیر کھاتہ کھولے پویلین لوٹ گئیں۔

سری لنکا کی جانب سے اوشادی راناسنگھ اور چماری اتھاپاتھو نے 2،2 وکٹیں حاصل کیں جبکہ سگندیکا کماری،اینوکا راناویرا  اور کویشا دل ہاری نے 1،1 وکٹ اپنے نام کی۔

سری لنکن کپتان چماری اتھاپاتھو کو شاندار سینچری  اور 2 وکٹیں لینے پر مین آف دی میچ کا ایوارڈ دیا گیا جبکہ پاکستانی بلے باز سدرہ امین کو پلیئر آف دی سیریز کا ایوارڈ دیا گیا۔

واضح رہے کہ پاکستان نے ون ڈے سیریز 1-2 سے اپنے نام کر لی ہے۔

Advertisement

End of an entertaining series 🙌
No victory today but Pakistan walk away with a series win 💪#PAKWvSLW | #BackOurGirls pic.twitter.com/ETdOv8zIMg

— Pakistan Cricket (@TheRealPCB) June 5, 2022

اس سے قبل پاکستان ویمن ٹیم نے سر ی لنکا کو ٹی ٹوئنٹی سیریز میں کلین سویپ کیا تھا۔