جنوبی افریقہ کے سابق کپتان گریم اسمتھ نے بھارتی کھلاڑی راہول ترپاٹھی کو مشورہ دیا ہے کہ وہ ٹوئٹر بند کر کے اپنے کھیل پر توجہ دیں۔

تفصیلات کے مطابق آئرلینڈ سیریز کے لئے بھارتی ٹیم کے 17 رکنی اسکواڈ کا اعلان ہونے کے بعد راہول ترپاٹھی نے ٹوئٹر پر کہا تھا کہ توقعات کو تکلیف پہنچتی ہے۔

گریم اسمتھ نے اشارہ دیا کہ کھلاڑی آسٹریلیا میں 16 اکتوبر سے شروع ہونے والے ٹی ٹوئنٹی ورلڈ کپ کے لیے سلیکشن کمیٹی کے منصوبوں میں شامل نہیں ہوں گے۔

بھارتی کے ابھرتے ہوئے آل راؤنڈر ترپاٹھی نے آئی پی ایل 2022 میں گجرات ٹائٹینز کی فتح میں اہم کردار ادا کیا تھا۔ ترپاٹھی نے 12 اننگز میں 147.62 کے اسٹرائیک ریٹ سے 217 رنز بنائے تھے۔

جنوبی افریقہ کے سابق کپتان گریم اسمتھ نے کہا کہ راہول ترپاٹھی نے اچھا کھیل پیش کیا ہے اور اس اسکواڈ میں بہت سے کھلاڑی ہیں جنہوں نے اچھی کارکردگی کا مظاہرہ کیا ہے۔

گریم اسمتھ کا کہنا تھا کہ ٹیم میں جگہ بنانے کے لئے بہت سخت مقابلہ ہے اس لئے میں ترپاٹھی سے کہوں گا کہ وہ ٹوئٹر سے دور رہیں اور اپنے کھیل پر توجہ دیں اور اچھی کارکردگی کا مظاہرہ کریں۔

ایک اسپورٹس چینل کو انٹرویو دیتے ہوئے گریم اسمتھ نے کہا کہ ترپاٹھی اس بات یقینی بانئیں کہ اگلی بار جب اسکواڈ میں شامل ہوں گے تو کوئی بھی آپ کو باہر نہیں نکال سکتا۔

اسمتھ نے اشارہ دیا کہ ترپاٹھی آسٹریلیا میں 16 اکتوبر سے شروع ہونے والے ٹی ٹوئنٹی ورلڈ کپ کے لیے ہندوستان کی سلیکشن کمیٹی کے منصوبوں میں شامل نہیں ہوگا۔

گریم اسمتھ نے نجی اسپورٹس چینل کو بتایا کہ بھارت کے پاس بہت سارے باصلاحیت کھلاڑی ہیں، اور ان کے پاس بہت بیک اپ موجود ہے۔

سلیکٹرراہول ڈریوڈ اور کپتان روہت شرما کے لئے بہت مشکل ہو گیا ہے کہ وہ نئے آنے والے کھلاڑی کو ٹیم مٰں شامل کر لیں۔

سلیکٹرز راہول ڈریوڈ اور روہت شرما کو اندازہ ہوگا کہ اسکواڈ کی اکثریت کیسی ہوگی اور وہ کھلاڑی کون ہیں جو اسکواڈ کے دیگر عہدوں کے لیے کوشاں ہیں۔

گریم اسمتھ کے مطابق یہ ٹیم کا توازن ہے، یاد رکھیں، آپ آسٹریلیا میں کھیل رہے ہیں، کنڈیشنز، گراؤنڈز، اس لیے یہ سب کچھ آپ کی سوچ میں ڈالنا ہوگا، کیونکہ آپ کو ورلڈ کپ کے لیے اپنی ٹیم بنانی ہے۔