شہباز شریف کی ترک صدر رجب طیب سے ملاقات

ویب ڈیسک

01st Jun, 2022. 08:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز شریف کی ترک صدر رجب طیب سے ملاقات

وزیراعظم شہباز شریف کی ترک صدر رجب طیب سے ملاقات ہوئی ہے۔

تفصیلات کے مطابق وزیراعظم شہباز شریف کے اعزاز میں ترک ایوان صدر میں باضابطہ استقبالیہ تقریب منعقد ہوئی۔

وزیراعظم صدارتی محل پہنچے تو ترک صدر رجب طیب اردوان نے ان کا نہایت پرتپاک خیرمقدم کیا۔

اس موقع پر پاکستان اور ترکی کے قومی ترانے بجائے گئے جبکہ استقبالیہ تقریب میں وزیراعظم کو گارڈ آف آنر بھی پیش کیا گیا۔

ترک صدر رجب طیب اردوان اور وزیراعظم محمد شہباز شریف نے ایک دوسرے سے اپنے وفد کا تعارف بھی کرایا۔

یاد رہے کہ وزیراعظم شہباز تین روزہ سرکاری دورے پر ترکی میں موجود ہیں جن کے ہمراہ وزیر خارجہ بلاول بھٹو، وفاقی وزیر اطلاعات و نشریات مریم اورنگزیب، وزیر دفاع خواجہ آصف اور وزیراعظم کے معاونین خصوصی بھی شامل ہیں۔

واضح رہے کہ وزارت عظمیٰ کا منصب سمبھالنے کے بعد شہباز شریف کا یہ پہلا دورہ ترکی ہے جہاں وہ ترکی کے صدر رجب طیب اردوغان سے بالمشافہ ملاقات کررہے ہیں جس میں پاک ترک تعلقات کے ہر پہلوؤں کا جائزہ جب کہ دونوں رہنما علاقائی و عالمی امور پر بھی تبادلہ خیال کریں گے۔