خیبرپختونخوا اسمبلی کی جانب سے آج ہونے والے اجلاس کے دوران اہم بل اتفاق رائے سے منظور کرلئے گئے ہیں۔
تفصیلات کے مطابق ڈپٹی اسپیکر محمود جان کی زیر صدارت صوبائی اسمبلی کا اجلاس منعقد ہوا جو کہ ایک گھنٹہ تاخیر سے شروع ہوا۔
اجلاس کے دوران خیبر پختونخوا تقویت غذا بل 2022 منظور کیا گیا جس کے تحت غذائی اجناس میں معدنیات کی مقررہ مقدار شامل کرنا لازمی قراردیا گیا ہے۔
کے پی مالیاتی ذمہ داری اور قرضہ جات انتظام بل 2022 بھی منظور کر لیا گیا۔
اسکے علاوہ خیبر پختونخوا یونیورسل ہیلتھ کوریج بل 2022 صوبائی اسمبلی نے منظور کر لیا گیا ہے جس کے تحت صوبے کے شہریوں کو مفت علاج کی سہولت کا قانونی حق دیا جائے گا جبکہ کے پی حکومت نے صحت انصاف کارڈ کو قانونی شکل دے دی۔
Advertisement
دوران اجلاس کے پی اسمبلی نے ماحولیاتی تحفظ ترمیمی بل کی منظوری بھی دی جبکہ ممنوعہ پلاسٹک کی مصنوعات کی مسلسل تیاری، فروخت اور ذخیرہ کرنے پر جرمانہ 50 لاکھ سے بڑھاکر 5 کروڑ کیا گیا۔
خیال رہے کہ وزیر خزانہ خیبر پختونخوا نے ریوینیو اتھارٹی بل اور سیلز ٹیکس آن سروسز بل پیش کیا جبکہ وزیر صحت نے یونیورسل ہیلتھ کوریج بل پیش کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
