ناٹنگھم میں انگلینڈ اور نیوزی لینڈ کے درمیان کھیلے گئے دوسرے ٹیسٹ میچ میں باؤنڈریز کا نیا ریکارڈ قائم ہوا ہے۔

تفصیلات کے مطابق اس ٹیسٹ میچ میں باؤنڈریز کی مدد سے 1044 رنز بنائے گئے جو کہ کرکٹ کی تاریخ میں سب سے زیادہ رنز ہیں۔

اس سے قبل  یہ ریکارڈ 2004 میں سڈنی میں آسٹریلیا اور بھارت کے درمیان کھیلے گئے میچ میں بننا تھا جس میں باؤنڈریز کی مدد سے 976 رنز بنیں۔

فیصل آباد میں 2006 پاک بھارت ٹیسٹ میچ میں باؤنڈریز کی مدد سے 962 رنز بنے تھے۔

https://twitter.com/ESPNcricinfo/status/1536792097562296321

اس سے قبل انگلینڈ اور نیوزی لینڈ کے درمیا ن سنسنی خیز ناٹنگھم ٹیسٹ میں 32 سال پرانا ریکارڈ ٹوٹ گیا۔

ناٹنگھم ٹیسٹ میں دونوں ٹیموں کی جانب سے مجموعی طور 1675 رنز بنائے گئے جو 1990 کے بعد کسی بھی ٹیسٹ میچ میں بنائے گئے سب سے زیادہ رنز ہیں۔

یہ بھی پڑھیں: انگلینڈ اور نیوزی لینڈ کے درمیان ناٹنگھم  ٹیسٹ فکس تھا؟

یاد رہے کہ 1990 میں انگلینڈ اور بھارت کے درمیان ٹیسٹ میچ میں مجموعی طور پر 1614 رنز بنے تھے۔

کسی بھی ٹیسٹ میچ میں سب سے زیادہ مجموعی رنز کی تعداد 1723 ہے جو 1948 میں انگلینڈ اور آسٹریلیا  کے درمیان کھیلا گیا تھا۔

یہاں یہ بات قابل ذکر ہے کہ ٹیسٹ کرکٹ کی تاریخ میں پانچ مواقع ایسے ہیں جن میں مجموعی طور پر 1600 سے زائد رنز بنے اور ان پانچوں مواقعوں پر دو ٹیموں میں سے ایک انگلینڈ تھی۔

واضح رہے کہ انگلینڈ کو نیوزی لینڈ کے خلاف 3 ٹیسٹ میچز کی سیریز میں 0-2 کی برتری حاصل ہے،تاہم دونوں ٹیموں کے درمیا ن سیریز کا آخری میچ  23 جون کو کھیلا جائے گا۔