راشد لطیف حارث سہیل کی وکالت کرنے میدان میں آگئے

ویب ڈیسک

16th Jun, 2022. 06:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راشد لطیف حارث سہیل کی وکالت کرنے میدان میں آگئے

پاکستان کرکٹ ٹیم کے سابق کپتان راشد لطیف نے تجربہ کار بلے باز حارث سہیل کی پاکستان میں شمولیت کی وکالت کرتے ہوئے کہا کہ ان کی عمدہ بیٹنگ تکنیک انہیں دور کے حالات میں بھی ترقی دے گی۔

تفصیلات کے مطابق حارث سہیل گھٹنے کی انجری کے مسائل سے نبردآزما ہیں اور ان کی فٹنس سے متعلق خدشات کے باعث ان کے کیریئر میں کئی رکاوٹیں آئیں۔

راشدلطیف نے کہا کہ پاکستان کو حارث سہیل کی کمی محسوس ہوئی۔

ان کا کہنا تھاکہ حارث سہیل کے بار بار فٹنس کے مسائل کے باوجود، انہیں پاکستان کے منصوبوں میں شامل ہونا چاہئے ۔

انہوں نے کہا کہ حارث سہیل کو انجری کے مسائل تھے لیکن پی سی بی ایسے کھلاڑی کو سائیڈ لائن نہیں کر سکتا، حارث نے غلطیاں کی ہوں گی لیکن ابھی وقت ختم نہیں ہوا، حارث سہیل اب بھی پاکستان کے لیے کھیل سکتے ہیں۔

یہ بات قابل ذکر ہے کہ حارث سہیل ان اہم کھلاڑیوں میں سے ایک تھے جو ویسٹ انڈیز کے خلاف تین ایک روزہ میچوں کی سیریز سے قبل نیشنل ہائی پرفارمنس سینٹر میں حال ہی میں لگائے گئے کیمپ کا حصہ تھے۔

واضح رہے کہ حارث سہیل نے 42 ون ڈے میچوں میں 46.80 کی اوسط سے 1685 رنز بنائے ہیں وہ اپنے بین الاقوامی کیریئر میں اب تک دو سنچریاں اور 14 نصف سنچریاں بنا چکے ہیں۔

وہ 2019 ورلڈکپ کے پاکستانی اسکواڈ کا ایک اہم حصہ تھے۔