افغانستان اور زمبابوے کے درمیان  ٹی ٹوئنٹی سیریز کے دوسرے میچ میں افغانستان نے  میزبان ٹیم کو  21 رنز سے شکست دے دی ہے۔

تفصیلات کے مطابق ہرارے میں کھیلے گئے اس میچ میں افغانستان نے ٹاس جیت کرپہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 170 رنز بنائے۔

افغانستان کی جانب سے نجیب اللہ زدران 57 رنز بنا کر ٹاپ اسکورر رہے،حضرت اللہ ززئی 28،کریم جنت 12 جبکہ کپتان محمد نبی 43 رنز بناکر ناقابل شکست رہے۔

میزبان ٹیم کی جانب سے ٹنڈئی چٹارا نے 2 کھلاڑیوں کو آؤٹ کیا جبکہ لوک جونگوے اور ریان برل نے 1،1 وکٹ حاصل کی۔

ہدف کے تعاقب میں زمبابوے ٹیم 20 اوورز میں 7 وکٹوں کے نقصان پر 149 رنز بنا سکی۔

زمبابوے کی جانب سے اینوسینٹ کایا 54 رنز بنا کر نمایاں بلے باز رہے،مارومانی 30،سکندر رضا 41 جبکہ کپتان کریج ایروائن صرف 2 رنز بناسکے۔

افغانستان کی جانب سے راشد خان نے 2 شکار کیے جبکہ فضل حق فاروقی،نجاب مسعود،محمد نبی اور کریم جنت نے1،1 وکٹ حاصل کی۔

افغانستان کے فضل حق فارقی کو 19 رنز کے عوض  1 وکٹ حاصل کرنے پر مین آف دی میچ کا ایوراڈ دیا گیا۔

اس فتح کے ساتھ ہی افغانستان نے سیریز 0-2 سے اپنے نام کر لی ہےتاہم دونوں ٹیموں کے درمیان سیریز کا آخری میچ 14 جون کو کھیلا جائے گا۔