وزیراعلیٰ سندھ مراد علی شاہ نے محکمہ توانائی کو تھر کول کی پیداوار بڑھانے کیلئے بہتر اقدامات کرنے کی ہدایات جاری کی ہیں۔

تفصیلات کے مطابق وزیراعلیٰ سندھ سید مراد علی شاہ کی زیر صدارت تھر کول کی پروڈکشن پر اجلاس منعقد ہوا۔

Karachi (June 30th, 2022) Sindh Chief Minister Syed Murad Ali Shah presides over a meeting on Thar coal at CM House. pic.twitter.com/vc7pBsvVv3

Advertisement

— Sindh Chief Minister House (@SindhCMHouse) June 30, 2022

اجلاس کے دوران وزیر توانائی امتیاز شیخ نے وزیراعلیٰ سندھ سید مراد علی شاہ کو تھر کول کے متعلق بریفنگ پیش کی۔

وزیر توانائی امتیاز شیخ کا کہنا تھا کہ ہر سال تھر کول سے بجلی کی پیداوار سے ملک کے 700 ملین ڈالر کی بچت ہوئی ہے۔

انہوں نے کہا کہ تھر کول پروجیکٹ سے ملنے والے کمیونٹی فنڈ سے 4000 بچوں کو 24 اسکولوں میں تعلیم دے رہے ہیں اور 25000 مریضوں کو سالانہ علاج مہیا کیا جا رہا ہے۔

انہوں نے بتایا کہ پورے علاقے کو صاف پانی مہیا کیا جارہا ہے اور علاقے میں ایک ملین درخت لگائے گئے ہیں جس سے تھر کا ماحول بہتر ہوا ہے۔

اس موقع پر وزیراعلیٰ سندھ نے ہدایت جاری کرتے ہوئے کہا کہ اب تھر کول کی پیداوار بڑھانے کیلئے اقدامات کیئے جائیں۔

انہوں نے کہا کہ پاکستان ریلویز اب نئی ریل لائن بچھانے جارہی ہے، اس ریلوے لائن سے پورے ملک میں کوئلے پر چلنے والے پلانٹس کو تھر کا کوئلہ مہیا کیا جائے گا۔