عدالت نے شیریں مزاری کی صاحبزادی ایمان مزاری کی عبوری ضمانت میں 20 جون تک توسیع کردی۔
تفصیلات کے مطابق اسلام آباد ہائی کورٹ میں ایمان مزاری کے خلاف مقدمے کے اخراج کی درخواست پر سماعت ہوئی۔
چیف جسٹس اسلام آباد ہائی کورٹ جسٹس اطہرمن اللہ نے مقدمہ اخراج کی درخواست پر سماعت کی جبکہ ایمان مزاری اپنی وکیل زینب جنجوعہ ایڈووکیٹ کے ہمراہ عدالت میں پیش ہوئیں۔
عدالت میں ایمان مزاری کی درخواستِ ضمانت پربھی سماعت ہوئی جس پر عدالت نے ایمان مزاری کی عبوری ضمانت میں 20 جون تک توسیع کردی۔
وفاق کی جانب سے ایڈیشنل اٹارنی جنرل ساجد الیاس بھٹی عدالت میں پیش اورمقدمہ اخراج کی درخواست میں وفاق کی جانب سے کمنٹس داخل کیے۔
Advertisement
شکایت کنندہ جیگ برانچ کی جانب سے بھی وکیل عدالت میں پیش ہوئے۔
چیف جسٹس اطہرمن اللہ نے سماعت کرتے ہوئے کہا کہ کیا آپ نے اس عدالت کا آخری آرڈر دیکھا ہے؟ اس کے بعد کیا رہ جاتا ہے۔ پٹشنر نے جو بیان دیا ہے اس کے بعد کیا رہ جاتا ہے۔
چیف جسٹس نے جیک برانچ کے وکیل سے مکالمہ کرتے ہوئے کہا کہ آپ بھی دیکھ لیں یہ جرم نہیں بنتا۔
ایڈیشنل اٹارنی جنرل نے دلائل میں کہا کہ ان کی طرف سے regret کی جو وضاحت دی گئی وہ ریکارڈ کے مطابق درست نہیں۔
عدالت نے کیس کی مزید سماعت 20 جون تک ملتوی کردی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
