تعلیم اور دیگر بنیادی سہولیات تک رسائی ہر بچے کا آئینی حق ہے، گورنر پنجاب

ویب ڈیسک

12th Jun, 2022. 01:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تعلیم اور دیگر بنیادی سہولیات تک رسائی ہر بچے کا آئینی حق ہے، گورنر پنجاب

گورنر پنجاب بلیغ الرحمان کا کہنا ہے کہ تعلیم اور دیگر بنیادی سہولیات تک رسائی ہر بچے کا آئینی حق ہے۔

آج منائے جانے والے چائلڈ لیبر کے خلاف عالمی دن کے موقع پر اپنے پیغام میں بلیغ الرحمان نے کہا کہ پاکستان مسلم لیگ (ن) کے گزشتہ دور حکومت میں صوبے سے چائلڈ لیبر کے خاتمے کے لیے موثر قانون سازی کی گئی۔

گورنر پنجاب نے کہا کہ معاشرے سے چائلڈ لیبر کے خاتمے کے لیے سب کو اپنا کردار ادا کرنے کی ضرورت ہے۔

بلیغ الرحمان نے مزید کہا کہ حکومت معاشرے کے پسماندہ طبقے کو ریلیف فراہم کرنے کے لیے خصوصی اقدامات کر رہی ہے۔

واضح رہے کہ ہر سال 12جون کو پاکستان سمیت دنیا بھر میں چائلڈ لیبر کے خاتمے کا عالمی دن منایا جاتا ہے، جس کا مقصد بچوں سے مزدوری لینے کے رجحان کا خاتمہ کرکے انھیں مشقت کی اذیتوں سے نجات دلا کر اسکول کا راستہ دکھانا اور معاشرے کا مفید شہری بنانے کے لیے شعور اجاگر کرنا ہے۔

اس دن سماجی تنظیموں اور اداروں کی جانب سے سیمینارز، واکس اور تقریبات کا اہتمام کیا جاتا ہے تاکہ محنت کش بچوں کے مسائل حکومت اور دیگر ذمہ داران تک مؤثر طریقے سے پہنچائے جاسکیں۔