حسن علی میچ ونر ہیں اور انہوں نےاپنی کارکردگی سے ثابت کیا،ثقلین مشتاق

حسن علی میچ ونر ہیں اور انہوں نے اپنی کارکردگی سے ثابت کیا،ثقلین مشتاق

ویب ڈیسک

06th Jun, 2022. 12:20 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حسن علی میچ ونر ہیں اور انہوں نے اپنی کارکردگی سے ثابت کیا،ثقلین مشتاق

قومی کرکٹ ٹیم کے ہیڈ کوچ ثقلین مشتاق نے کہا ہے کہ حسن علی میں میچ جتوانے کی قابلیت ہے اور انہوں نے اپنی کارکردگی سے ثابت بھی کیا ہے۔

تفصیلات کے مطابق ثقلین مشتاق نے پریس کانفرنس میں کہا کہ حسن علی نے کاؤنٹی چیمپئین شپ میں اپنی بولنگ سے سب کو متاثرکیا ہے۔

انہوں نے کہا کہ حسن علی بہت تھکے ہوئے تھے لیکن اب تازہ دم ہو گئے ہیں۔

ہیڈ کوچ نئے کھلاڑیوں کو آزمانے اور آئندہ سیریز میں بینچ کی جانچ پر غور کر رہے ہیں۔

ویسٹ انڈیز کے خلاف ثقلین مشتاق وائٹ واش کا ہدف رکھتے ہیں اور انہوں نے کہا کہ سیریز کے لیے ہر ممکن حد تک بہترین تیاری کرنے پر توجہ دی جارہی ہے۔

ہیڈ کوچ کا کہنا تھا کہ کھلاڑی سخت محنت کر رہے ہیں اور ٹریننگ پلان کے مطابق جاری ہے۔

انہوں نے بابر اعظم کی تعریف کی اور کہا کہ انہوں نے بطور کھلاڑی اور کپتان نمایاں بہتری دکھائی ہے۔

واضح رہے کہ پاکستان 8 جون کو ویسٹ انڈیز کے خلاف پہلا ون ڈے میچ کھیلے گا جو کہ آئی سی سی ورلڈ کپ سپر لیگ کا بھی حصہ ہوگا اور تمام میچز ملتان میں ہوں گے۔