قومی کرکٹ ٹیم کے بلے باز اور کاؤنٹی کرکٹ میں ٖڈربی شائر کی نمائندگی کرنے والے شان مسعود نے کہا ہےکہ مجھے بیٹنگ آرڈر سے کوئی مسئلہ نہیں ہے۔

شان مسعود نے اپنے ایک بیان میں کہا کہ میں پہلے بھی کہہ چکا ہوں کہ مجھے بیٹنگ آرڈر سے کوئی مسئلہ نہیں ہےایک اوپنر تمام مراحل میں کرکٹ کھیلتا ہے وہ نئی گیند کے ساتھ ساتھ پرانی گیند کا بھی سامنا کرتا ہے اور اسپنرز ،تیز گیند بازوں دونوں کا مقابلہ کرتا ہے،لہذا آپ یہ نہیں کہہ سکتے کہ وہ مختلف کرداروں میں بیٹنگ کرنا نہیں جانتا۔

ان کا کہنا تھا کہ جب میں نے ڈومیسٹک کرکٹ کھیلنا شروع کی تو میں نے بہت زیادہ نمبر 4 کھیلا، پی ایس ایل میں جب ٹیم کی ضرورت تھی تو میں تیسرے نمبر پر کھیلا اور میں ٹیسٹ میں بھی نمبر 3 پر کھیل چکا ہوں۔

بلے باز نے کہا کہ انہیں کسی دوسری پوزیشن پر کھیلنے میں کوئی عار نہیں ہے اور انتخاب کے معیار میں ان کی بیٹنگ پوزیشن کو بنیادی عنصر نہیں ہونا چاہیے اور وہ ٹیم کی ضروریات کو پہلے رکھنے کے لیے تیار ہیں۔

شان مسعود نے کہا کہ میں نے محمد وسیم اور محمد یوسف سے بات کی ہےمیں جانتا ہوں کہ حال ہی میں میری دوسری پوزیشنوں پر بیٹنگ کرنے کا کوئی ثبوت نہیں ہے، لیکن مجھے یقین نہیں ہے کہ کوئی پوزیشن آپ کی تعریف کر سکتی ہے۔

انہوں نے کہا کہ ماضی پر نظر ڈالیں تو مختلف بلے بازوں نے مختلف کردارادا کیے ہیں آپ انگلینڈ کو دیکھیں،جہاں بلے باز اپنی پوزیشنوں میں ردوبدل کرتے رہتے ہیں۔

شان مسعود نے مزید کہا کہ پاکستان کے لئے کھیلنا میرے لیے اس سے بڑی اعزاز کی بات نہیں ہو گی۔

واضح رہے کہ اس ماہ کے شروع میں، پاکستان کے موجودہ آل فارمیٹ کپتان بابراعظم نے شان مسعود کے ٹیم سے اخراج پر اپنے خیالات کا اظہار کرتے ہوئے کہا تھا کہ اوپنر کے ساتھ مڈل آرڈر میں تنزلی کرنا انصاف نہیں ہوگا۔