آج ہم آپ کو چیری کے چھوٹے دانوں میں چھپے بڑے فائدے بتائیں گے۔

ایک کپ چیری میں انرجی 97 کلو کیلوریز، کارپوہائیڈریٹس 25 گرام، شکر 20 گرام، پروٹین 2 گرام، فائبر 3 گرام، وٹامن سی 11 ملی گرام، پوٹاشئیم 342 ملی گرام، وٹامن کے 2.3ملی گرام، وٹامن ب2 اور میگنیشئیم بھی پایا جاتا ہے۔

گٹھیا کا مرض جسم میں یورک ایسڈ کی مقدار بڑھ جانے کے بعد سوزش کی وجہ سے ہوتا ہے۔

آغاز میں اس کا درد پیروں میں ہوتا ہے لیکن بعد میں یہ درد جسم کے دیگر جوڑوں میں بھی ہوسکتا ہے۔

اگر آپ روزانہ صرف 9, 10 چیری کھائیں تو جسم میں یورک ایسڈ کی سطح کو معمول پر لانے میں مدد مل سکتی ہے۔

اینٹی آکسیڈینٹس چیریز میں بہت بڑی مقدار میں پائے جاتے ہیں، چیری کھانے سے جلد سے جھریاں کم ہوتی ہیں جبکہ سیاہ رنگ بھی بہتر ہوتا ہے۔

آپ کو کرنا یہ ہے کہ دو تین چیری کو کچل کر اس میں ایک چٹکی پسی ہوئی ہلدی اور ایک چمچ شہد ملا کر پیسٹ بنائیں اور پندرہ منٹ چہرے پر لگا کر سادے پانی سے چہرہ دھو لیں اس سے داغ دھبے ختم ہوں گے اور رنگت بھی نکھرے گی۔

چیری میں میلاٹونن کی قدرتی طور پر موجودگی ایسے لوگوں کے لئے بہت فائدے مند ثابت ہوسکتی ہے جو نیند کی کمی کا شکار ہیں۔

اپنی زندگی میں صرف 3,4 چیریز کا اضافہ کرنے سے پرسکون نیند حاصل کی جاسکتی ہے۔

اگر آپ وزن میں کمی کرنے چاہتے ہیں تو چیری کے موسم میں اسے اپنی خوراک کا حصہ بنالیں کیوںکہ اس کے ایک پیالے میں کیلوریز کم اور وٹامنز کی تعداد زیادہ ہوتی ہے، یہ میٹابالزم تیز کرتے ہیں جس سے وزن جلدی کم ہوتا ہے۔

چیری میں موجود وٹامن بی اور وٹامن سی بالوں کا ٹوٹنا اور جھڑنا روکتے ہیں اور سر کی جلد کو نمی بخشتے ہیں جس سے بالوں کی تیزی سے نشونما ہوتی ہے۔

اس کے علاوہ چیریز میں پائے جانے والے اینٹی آکسیڈینٹس کولیسٹرول کی سطح کم کرتے ہیں اور فشار خون کو بھی معمول کی سطح پر رکھنے میں کردار ادا کرتے ہیں جس سے دل کی بیماریوں کا خطرہ کم ہوتا ہے۔