موجودہ حکومت برآمدات کے فروغ پر توجہ دے رہی ہے، وزیر خزانہ

ویب ڈیسک

01st Jun, 2022. 05:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موجودہ حکومت برآمدات کے فروغ پر توجہ دے رہی ہے، وزیر خزانہ

وزیر خزانہ نے کہا ہے کہ موجودہ حکومت برآمدات کے فروغ پر بہت زیادہ توجہ دے رہی ہے۔

وزیر خزانہ مفتاح اسماعیل سے پاکستان کاٹن جنرز ایسوسی ایشن کے وفد کی ملاقات ہوئی جس میں وفد نے وزیر خزانہ کو معیشت بالخصوص برآمدات کے تناظر میں کاٹن کی اہمیت کے حوالے سے آگاہ کیا۔

ملاقات میں وفد نے وزیر خزانہ کے سامنے اس شعبے کو درپیش چند مسائل کو بھی اجاگر کیا۔

وفد کا کہنا تھا کہ کپاس پاکستان کی ٹیکسٹائل انڈسٹری کی ترقی کے لئے اہم اہمیت کی حامل ہے ، کپاس کا پاکستان کی مجموعی برآمدات پر بھی اس کا کافی اثر ہے۔

اس موقع پر وزیر خزانہ نے بیلنس آف پیمنٹ کے معاملے کو سنبھالنے میں اس شعبے کے کردار کو سراہا جبکہ وزیر خزانہ نے وفد کو ان کے حقیقی مسائل حل کرنے کی یقین دھانی بھی کروائی۔

وزیر خزانہ مفتاح اسماعیل نے کہا کہ موجودہ حکومت برآمدات کے فروغ پر بہت زیادہ توجہ دے رہی ہے، اس شعبے کو متحرک اور ملکی زرمبادلہ کی سطح بلند کرنے کے لئے منافع بخش بنایا جائے گا۔

ملاقات میں پاکستان کاٹن جنرز ایسوسی ایشن کے چیئرمین سہیل محمود ہرل، چیئرمین ایف بی آر اور دیگر سینئر افسران نے بھی شرکت کی۔