موسم کوئی بھی ہو، گھر میں الیکٹرانک کی ایسی مشینیں ہوتی ہیں جو ہر موسم میں استعمال ہوتی ہیں اور بہت زیادہ بجلی کھینچتی ہیں ، پھر مہینے کے اختتام پر ہزاروں روپے کا بل ذہنی اذیت میں بھی اضافہ کر دیتا ہے۔

آج ہم آپ کو  ہزاروں روپے کےبجلی کے بل سے جان چھڑا نے کے آزمودہ طریقے بتا رہے ہیں۔

پانی کی موٹر

بجلی خرچ کرنے والے آلات میں سب سے زیادہ بجلی پانی کی موٹر ہی خرچ کرتی ہے۔ پانی ٹنکی میں چڑھانے کے لیے چھوٹی موٹر خریدیں۔ جتنا چھوٹا پمپ ہوگا اتنا ہی وہ بجلی کم لے گا۔

مائیکرو ویو اون

مائیکرو ویو اون استعمال کے فوراً بعد نا صرف بند کردیں بلکہ اس کا تار بھی الگ کردیں۔ اس کے علاوہ موبائل چارجر کو بھی استعمال کے فوری بعد بند کرکے چارجر علیحدہ رکھنا بہتر ہوتا ہے اس سے بجلی کی بچت بھی ہوتی ہے۔

استری

استری کے وقت بجلی بچانے کے لئے سب سے پہلے استری چیک کریں کہ وہ صاف ہے یا نہیں۔

اس کے بعد کوشش کریں کہ کپڑوں کو دھونے کے بعد ہینگر میں لٹکا کرسکھائیں تاکہ ان پر شکنیں زیادہ نہ ہوں۔

ایک ہفتے کے کپڑے ایک ہی دن استری کرکے ہینگ کرلیں تاکہ بجلی کی بچت ہو۔

فریج

فریج میں بجلی کی بچت کرنے کے لیے تھرموسٹیٹ کو موسم کے حساب سے سیٹ کریں اور فریج کو باہر یا کھلی چھت میں رکھنے کے بجائے اندر ٹھنڈی جگہ پر رکھیں تاکہ ٹھنڈا کرنے کے لئے زیادہ کمپریسر پر زیادہ دباؤ نہ ہو اور وہ زیادہ بجلی نہ لے۔

پنکھا

پنکھا اتنا بڑا ہی لیں جتنی کمرے میں ضرورت ہے۔ بہت بڑے سائز کا پنکھا زیادہ بجلی لیتا ہے۔

اگر بہت زیادہ گرمی ہے اور اے سی چل رہا ہے تو کمرا ٹھنڈا ہونے کے بعد اے سی بند کرکے پنکھا چلا لیں۔

اس سے اے سی کم چلے گا اور بجلی کی بچت ہوگی۔

اے سی 26 پر چلائیں

ماہرین اے سی کو 26 پر چلانے کا مشورہ دیتے ہیں کیونکہ اس سے کم پر چلانے کی صورت میں بجلی کے بل میں بہت زیادہ اضافہ ہونے کا خدشہ ہے جبکہ درجہ حرارت کے حساب سے اے سی کو 26 پر چلانے سے کمرے کی کولنگ بھی مناسب ہوتی ہے۔

عام بجلی کے بلب کی جگہ ایل ای ڈی بلب

بجلی کے عام بلب سستے تو ہوتے ہیں لیکن یہ بجلی زیادہ کھینچتے ہیں جس سے بل زیادہ آتا ہے۔

ان عام اور سستے بلب کی جگہ اگر ایل ای ڈی لائٹس اور سیورز استعمال کیے جائیں تو آپ کو بل میں نمایاں فرق محسوس ہوگا۔