شانگلہ اور سوات کے پہاڑی سلسلوں میں آگ بھڑک اٹھی

ویب ڈیسک

04th Jun, 2022. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شانگلہ اور سوات کے پہاڑی سلسلوں میں آگ بھڑک اٹھی

شانگلہ اور سوات کے پہاڑی سلسلوں میں آگ بھڑک اٹھی ہے جس کے نتیجے میں 4 افراد جاں بحق ہوگئے ہیں۔

تفصیلات کے مطابق شانگلہ کی پہاڑیوں میں موجود جنگلات میں اچانک آگ بھڑک اٹھی جس نے گھراور آبادی کو بھی اپنی لپیٹ میں لے لیا ۔

کنٹرول روم شانگلہ کو اطلاع ملتے ہی ریسکیو 1122 کے فائر فائٹرز بمع ایمبولینس موقع پر پہنچے جبکہ ریسکیو 1122 شانگلہ کے دستے پہاڑوں میں پیدل سفر کرتے ہوئے جائے وقوع تک پہنچے۔

ریسکیو 1122کے اہلکاروں نے پیشہ ورانہ طریقے سے فوری کارروائی شروع کر دی ہے جس میں 15 اہلکار حصہ لے رہے ہیں ۔

آگ سے 4 افراد جان کی بازی ہار گئے ہیں جس میں تین خواتین اور ایک مرد شامل ہیں ۔

شانگلہ کی پہاڑیوں میں لگی آگ پر کافی حد تک کامیابی سے قابو پالیا گیا ہے تاہم اور آپریشن ابھی جاری ہے۔

دوسری جانب سوات میں بھی کبل سیگرام کوزہ بانڈئ کے پہاڑی پر آگ لگنے کی اطلاع موصول ہوئی ہے جس کے متعلق کنٹرول روم سوات کو اطلاع ملتے ہی ریسکیو 1122 کی فائر فائٹرز فوری جائے وقوعہ پر پہنچ گئی۔

ریسکیو 1122 کے جوانوں نے فوری کارروائی کرتے ہوئے پیشہ ورانہ طریقے سے آگ پر مکمل قابو پا لیا گیا ہے۔