چیئرمین نیب کی تقرری، وزیراعظم کا اتحادیوں کو اعتماد میں لینے کا فیصلہ

ویب ڈیسک

06th Jun, 2022. 12:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیئرمین نیب کی تقرری، وزیراعظم کا اتحادیوں کو اعتماد میں لینے کا فیصلہ

نئے چیئرمین نیب کی تقرری کے معاملے پر وزیراعظم نے اتحادیوں کو فوری طور پر اعتماد میں لینے کا فیصلہ کیا ہے۔

تفصیلات کے مطابق قومی احتساب بیورو کے لئے نئے چیئرمین کا انتخاب تاحال نہیں کیا جاسکا ہے جس پر وزیراعظم کی جانب سے آج پی ڈی ایم کے سربراہ مولانا فضل الرحمان سے ملاقات سے اہم فیصلہ کیا گیا ہے۔

ملاقات وزیراعظم ہاؤس میں عشائیے پر ہوگی جس دوران مالی سال 2022 – 23 کے بجٹ سمیت چیئرمین نیب کی تقرری پر بھی مشاورت ہوگی۔

ملاقات میں ملکی مجموعی سیاسی و معاشی صورتحال عمران خان کے حالیہ بیانات پر بات ہوگی جبکہ قومی سلامتی کے منافی بیانات پر عمران خان کی گرفتاری کے حوالے سے بھی گفتگو ہوگی۔

اس موقع پر شہباز شریف، مولانا فضل الرحمان کو عمرہ کی مبارک باد بھی دینگے۔

خیال رہے کہ حکومت کی اتحادی جماعتوں کی جانب سے چیئرمین نیب کے لیے سپریم کورٹ کے سابق جج جسٹس (ر) مقبول باقر کے نام پر اتفاق کرلیا گیا تھا تاہم مسلم لیگ ن نے جسٹس ر مقبول باقر کے نام پر تحفظات ظاہر کیے ہیں۔

اس حوالے سے ذرائع کا کہنا ہے کہ سابق صدر آصف علی زرداری مقبول باقر کے نام پر ہی بضد ہیں جس کے متعلق ان کا کہنا ہے کہ جسٹس (ر) مقبول باقر کی اچھی شہرت اور غیر متنازعہ ہیں۔