سندھ پولیس نے دعا زہرا کی بازیابی کے لیے وفاق سے مدد مانگ لی

ویب ڈیسک

04th Jun, 2022. 02:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ پولیس نے دعا زہرا کی بازیابی کے لیے وفاق سے مدد مانگ لی

سندھ پولیس کی جانب سے دعا زہرا کی بازیابی کے لئے وفاق سے مدد طلب کرلی گئی ہے۔

تفصیلات کے مطابق دعا زہرا کیس میں سندھ ہائی کورٹ کے فیصلے کے بعد سندھ پولیس نے لڑکی کی بازیابی کے لئے کوششیں تیز کردی ہیں۔

اس ضمن میں سندھ پولیس نے وفاقی وزیر داخلہ سے بھی دعا زہرا کی باحفاظت بازیابی کے لئے مدد طلب کی ہے۔

اس حوالے سے جاری خط میں لکھا گیا ہے کہ وفاقی کی جانب سے دعا زہرا کی بازیابی کے لیے پنجاب، خیبر پختونخواہ اور آزاد کشمیر کے آئی جیز کو سندھ پولیس سے تعاون اور معاونت کی ہدایت کی جائے۔

خط میں بتایا گیا ہے کہ سندھ ہائیکورٹ نے دعا زہرا کو 10 جون کو عدالت میں پیش کرنے کا حکم دے رکھا ہے۔

اسکے علاوہ سوشل میڈیا کے ذریعے دعا زہرا اور ظہیر سے متعلق معلومات دینے کی درخواست کی گئی ہے۔

خیال رہے کہ گزشتہ ماہ سندھ ہائی کورٹ نے دعازہرا کیس میں آئی جی سندھ کامران فضل سے چارج لینے کا حکم دے دیا تھا جس کے بعد غلام نبی میمن کو عہدے کا چارج دیا گیا ہے۔