بنگلہ دیش کرکٹ بورڈ کے صدر نظم الحسن تجربہ کار شکیب الحسن کی ٹیسٹ کپتان کے طور پر دوبارہ تقرری پر تذبذب کا شکار ہیں۔

تفصیلات کے مطابق آل راؤنڈر مومن الحق کے عہدے سے سبکدوش ہونے کے بعد ان کی جگہ لینے کے لیے شکیب الحسن پسندیدہ امیدوار ہیں۔

بی سی بی کے صدر نے کہا کہ  بورڈ کو پہلے شکیب الحسن  سے ٹیسٹ میچوں میں ان کی دستیابی پر بات کرنے کی ضرورت ہے۔

انہوں نے کہا کہ شکیب الحسن  کسی بھی فارمیٹ میں کپتان ہو سکتے ہیں لیکن ہمیں یہ جاننے کی ضرورت ہے کہ وہ باقاعدگی سے کھیلیں گے یا نہیں۔

نظم الحسن نے کہا کہ اگر وہ کہتے ہیں کہ وہ نہیں جائیں گے یا فارمیٹ کا انتخاب کریں گے تو یہ ایک مسئلہ ہو گا، شکیب الحسن  ہمارے کپتان تھے اور ان کی کپتانی پر کوئی شک نہیں ہےلیکن ہمیں ان کی دستیابی کے بارے میں بھی یقین رکھنے کی ضرورت ہے۔

بی سی بی کے صدر نے کہا کہ وہ کپتان ہوتے ہوئے اپنی دستیابی کے بارے میں آخری لمحات میں فیصلے نہیں کر سکتے، ہمیں پہلے اس سے بات کرنی ہوگی،ہم کسی کو خواہش پر کپتان نہیں بنا سکتے اور اس لیے سوچ سمجھ کر فیصلہ کرنا ہوگا۔

واضح رہے کہ شکیب الحسن  سے اس وقت کپتانی چھین لی گئی تھی  جب 2019 میں ان پر ایک سال کی پابندی لگائی گئی اور مومن الحق نے ان کی جگہ لی۔

شکیب الحسن  گزشتہ سال پاکستان سیریز کے بعد سے ٹیسٹ کرکٹ سے دور تھے اور ابھی سری لنکا کے خلاف دو میچوں کی سیریز کے لیے واپس آئے تھے۔

 شکیب الحسن  کے علاوہ، لٹن داس جو بین الاقوامی کرکٹ میں اچھی فارم سے لطف اندوز ہو رہے ہیں، مومنول کی جگہ نئے کپتان کے طور پر ایک اور امیدوار ہیں۔