وزیراعظم شہباز شریف نے کہا ہے کہ  1947ء سے شروع ہونے والی جدوجہد آج بھی جار ی ہے اور اس جدوجہد میں پاکستان کشمیریوں کی ہر ممکن مدد کرتا رہے گا۔

وزیراعظم شہباز شریف نے یوم الحاق پاکستان پر پیغام جاری کرتے ہوئے کشمیریوں کے عزم آزادی کو سلام پیش کیا ہے۔

وزیراعظم نے کہا کہ 19 جولائی کو ہر سال کشمیری قراردادیوم الحاق پاکستان کے طور پر مناتے ہیں، اس تاریخی دن پاکستان سے الحاق کی قرارداد منظور کی گئی تھی۔

Advertisement

یومِ الحاقِ پاکستان، کشمیریوں کے پاکستان سے الحاق کے خواب کے شرمندہ تعبیر ہونے تک جدوجہد جاری رکھنے کے عہد کی تجدید ہے. بھارتی ریاستی مظالم اس مذاحمت، قربانی اور عزم کی پختگی کو ماند نہ کر سکے. ہم کشمیریوں کے اس عظیم جذبے کو سلام پیش کرتے ہیں.

— Shehbaz Sharif (@CMShehbaz) July 19, 2022

انہوں نے کہا کہ سرینگر کے مقام پر تاریخی قرارداد الحاق پاکستان کی منظوری کے بعد آزاد کشمیر اور گلگت بلتستان کے عوام نے ایک بڑی جنگ آزادی لڑی تھی اور کشمیریوں نے آزادی کی بے مثال جنگ کرکے ریاست کے ایک حصے کو ڈوگرہ مہاراجہ کے ظالمانہ شکنجے سے آزاد کرایا تھا۔

انہوں نے اپنے پیغام میں کہا کہ 9 لاکھ سے زائد بھارتی قابض فوج  کشمیریوں کا عزم آزادی متزلزل کرنے  میں ناکام رہی ہے اور وقت گزرنے کیساتھ کشمیریوں کے جذبہ آزادی میں اضافہ ہوا ہے ۔

ان کا کہنا تھا کہ کشمیری نسل در نسل اپنے جائز اور منصفانہ حق خوداردیت کے حصول کے لئے عظیم قربانیاں دے رہے ہی۔ں

 انہوں نے یقین دہانی کرائی ہے کہ اقوام متحدہ کی سلامتی کونسل کی قراردادوں اور کشمیریوں کی امنگوں کے مطابق تنازعہ کشمیر کے حل اور استصواب رائے کے منصفانہ حق کے حصول تک پاکستان کشمیریوں کی ہر ممکن مدد کرتا رہے گا۔