وزیر توانائی سندھ امتیاز شیخ نے کہا ہے کہ پاکستان تحریک انصاف کراچی اور حیدرآباد میں لسانی فساد کرانے کی منصوبہ بندی کررہی ہے۔
سندھ کے صوبائی وزیر امتیاز شیخ نے اپنے بیان میں کہا کہ عمران خان کے پاس کے پی کے عوام کی دادرسی کے لیے وقت نہیں ہے جبکہ خیبرپختونخوا کے عوام شدید طوفانی بارشوں میں ڈوبے ہوئے ہیں۔
انہوں نے کہا کہ کے پی، کے عوام کا پیسہ سندھ کے بلدیاتی انتخابات پر لگایا جارہا ہے، پنجاب کے ضمنی انتخابات کی انتخابی مہم میں بھی کے پی کا پیسہ چوری کرکے لگایا گیا تھا۔
انہوں نے مزید کہا کہ سندھ پیپلز پارٹی کا تھا،ہے اور ہمیشہ رہے گا، پی ٹی آئی کا سندھ پر قبضے کا خواب ”بلی کو خواب میں چھچڑے“والا ہے۔
صوبائی وزیر نے کہا کہ ایک طرف سیاسی بونے اپنا قد اونچا کرنے کے لیے آصف علی زرداری کے خلاف بیان بازی کررہے ہیں اور دوسری طرف تحریک انتشار کے رہنماء ریاست اور ریاستی اداروں کو کھلم کھلا بلیک میل کررہے ہیں۔
Advertisement
ان کا کہنا تھا کہ ملک میں سیاسی انتشار اور انارکی پھیلانے کا ذمیدار عمران خان ہے جو ملکی سلامتی اور معیشت کے لیے سیکورٹی رسک بن چکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
