تصاویراورویڈیوشیئرنگ پلیٹ فارم انسٹاگرام نے اپنی ایپ میں بڑی تبدیلی کا اعلان کردیا۔

انسٹا گرام کی بانی کمپنی میٹا کے چیف ایگزیکٹومارک زکربرگ نے اپنے بیان میں کہا ہے کہ کمپنی 2023 کے آخرتک اپنے استعمال کنندگان کی فیڈ میں دیے جانے والے Recommended کانٹینٹ کی مقدارکوڈبل کردے گی۔

اس وقت انسٹا گرام میں استعمال کنندگان کی فیڈ میں ظاہر ہونے والا ’ریکمینڈڈ کانٹینٹ‘ 15 فیصد ہے، اورزکر رگ اسے بڑھا کر30 فیصد کرنا چاہتے ہیں۔

انسٹا گرام کی جانب سے یہ فیصلہ ایک ایسے وقت میں کیا گیا ہے جب صارفین پہلے ہی ویڈیوفوکسڈ فیڈ کے خلاف سراپا احتجاج ہیں۔

یہ بھی پڑھیں: انسٹا گرام کا ’ریلز‘ فیچرمیں بڑی تبدیلی کا اعلان

انسٹاگرام کی جانب سے کچھ عرصے قبل کی گئی اس تبدیلی نے دنیا کی مشہور شخصیات کو بھی اس تصاویراورویڈیو شیئرنگ ایپلی کیشن کے خلاف احتجاج پر مجبورکردیا ہے۔

امریکی ٹی وی اسٹارکم کاردیشین اوران کی چھوٹی بہن کائلی جینرزنے انسٹاگرام کے خلاف ایک مہم کا آغازبھی کردیا ہے۔

’ انسٹاگرام کودوبارہ انسٹا گرام بناؤ‘ کے نام سے لانچ کی گئی اس مہم میں نئی انسٹا گرام فیڈ کے خلاف بھرپوراحتجاج کیا جارہا ہے۔

 یہ بھی پڑ ھیں: انسٹا گرام سے سالوں کی دوری کے باوجود سلینا گومز کے کروڑوں فالوورز

انسٹا گرام نے رواں سال مئی میں اعلان کیا تھا کہ وہ صارفین کی سہولت کے لیےمرکزی فیڈ میں ویڈیواورتصاویردونوں کو عمودی شکل میں پیش کرنے کا تجربہ کر رہے ہیں۔

انسٹا گرام کے سربراہ ایڈم موسیری کا اس بابت کہنا تھا کہ ہم انسٹا گرام کو ایک ایسے مقام پرلے جارہے ہیں جہاں ویڈیوزاس کا بڑا حصہ ہوں گی۔

 یہ بھی پڑ ھیں: انسٹا گرام کا ریلز میں تخلیق کاروں کے لیے بہترین ٹول کا اضافہ

انسٹا گرام پرسب سے زیادہ فالووزرکھنے والی کائلی جینرزاورکم کاردیشین نے اپنی اسٹوری میں ایپ کی ویڈیو فیڈ میں اس اہم تبدیلی پرشدید تنقید کرتے ہوئے کہا تھا کہ ’ انسٹا گرام کو پہلے والا انسٹا گرام ہی بنایا جائے جس میں ویڈیوزسے زیادہ تصاویرشیئرکی جاتی تھی۔‘

ان کا مزید کہنا تھا کہ انسٹاگرام کوٹک ٹاک بنانے کی کوشش نہ کی جائے کیوں کہ اس پرمیں صرف اپنے دوستوں کی تصاویردیکھنا چاہتی ہوں۔

ایڈم موسیری نے گزشتہ روزاپنی ٹوئٹ میں اس بات کا اعتراف کیا تھا کہ ایپلی کیشن میں ہونے والی یہ تبدیلی اچھی نہیں، لیکن ہماری بقا کے لیے یہ بہت ضروری ہے۔

ان کا یہ بھی کہنا تھا کہ ’ایمان داری سے میں یہ کہوں گا کہ انسٹاگرام میں وقت کے ساتھ ساتھ ساتھ زیادہ سے زیادہ ویڈیومواد ہوگا۔ تخلیق کارانسٹا گرام کے مستقبل کے لیے بہت ضروری ہیں اورہم اس بات کو یقینی بنانا چاہتے ہیں کہ وہ بہت زیادہ کام یاب ہوں اور انہیں وہ سارا کریڈ ٹ ملے جس کے وہ مستحق ہیں۔

تاہم انسٹا گرام کے اس فیصلے نے صارفین اور ناقدین کوبرہم کردیا ہے اوردنیا بھر کی مشہورشخصیات نے انسٹا گرام کواس کی اولین شکل میں واپس لانے کا اعلان کردیا ہے۔