شیاؤمی کا شمار اسمارٹ فون بنانے والی مقبول ترین کمپنیوں میں ہوتا ہے اور یہ اپنے موبائل فونزمیں آئے دن نت نئے فیچرز متعارف کرواتی رہتی ہے۔

اسی روایت کو برقرار رکھتے ہوئے شیاؤمی کا کہنا ہے کہ اس نے اپنے ایم آئی یو آئی 14 اسمارٹ فون میں نہ صرف ڈیزائینگ لینگویج تبدیل کی ہے بلکہ اس کے انٹرفیس میں بھی نئی تبدیلیوں کا عندیہ دیا ہے جسے صارفین بڑے آب وتاب سے اس اسمارٹ فون میں دیکھ سکیں گے۔

تاہم شیاؤمی نے ایک رپورٹ میں ایم آئی یو آئی 14 میں ہونے والی تبدیلیوں کی کچھ تفصیلات جاری کی ہیں، یہ تبدیلیاں لانچ سے قبل بیٹا ورژن پر نحصار کرتی ہیں تاکہ صارفین تک بہتر فیچر سے لیس فون پہنچ سکے۔

 اس کے اندر دیکھا گیا ہے کہ ریلیز ہونے سے پہلے کے سسٹم کی ایپس کا بیٹا ورژن کیسا ہوگا اور کچھ نئے فیچر اورڈیزائنگ لینگویج جس کا بارہا ذکر کیا جارہا ہےاس میں ایک جدت پیدا کی گئی ہے۔ گیلری کومکمل طور پراورہال کیا گیا ہے کلاک اورایپ والٹ کو بھی بہتر بنایا گیا ہے۔

اس کے علاوہ نئے آپشنز میں جو اسکرین ڈیزائن ہیں اس میں ویجیٹ پکر ہے لانچر کی سیٹنگس کو بہتر بنایا گیا ہے کہ آپ ایپس لانچ کیسے کریں گے۔ اے پی کے انسٹالر اور پرمیشن ڈائیلاگ باکس کوبھی تبدیل کیا گیا ہے۔

جہاں تک بات ڈیزائن کی ہے تو صرف  ڈیزائن میں یہی تبدیلیاں نہیں کی گئی ہیں بلکہ نئی ایپس اور فیچربھی متعارف کرائیں جائیں گے جن کے اندر ببل نوٹیفیکیشن بھی ہیں یہ ایم آئی یو آئی سیریز کے اندر ہو گےجبکہ کوال کام ایل ای  اوڈیو کی سپورٹ دی گئی ہے اینٹی فراڈ پروٹیکشن ہے اور ٹیکس ریگنیشن کے آپشنز بھی آن کئے گئے ہیں جو آپ گیلری ایپ میں دیکھ سکتے ہیں۔

ایک عام فیچر جیسے انسٹالیشن اور ان انسٹالینش کو بھی بہتر بنایا گیا ہے اس بار شیاؤمی کی کوشش ہے کہ صرف فون کو ظاہری طور پرہی نہیں بلکہ اندرونی طورپراسکرین اور ڈیزائنزکو بھی تبدیل کیا جاسکے۔

کہا یہ جارہا ہے کہ اس میں کوال کام ڈریگن 8 جنریشن2  کی چپ لگائی جائی گی جبکہ اس فون کی مارکیٹ تک رسائی نومبر تک متوقع ہے۔