لاہورہائی کورٹ نے دعا زہرا کے شوہر ظہیراحمد کی حفاظتی ضمانت منظورکرلی۔

تفصیلات کے مطابق کراچی سےلاہورجا کر پسند کی شادی کرنے والی لڑکی دعا زہرا کے شوہر ظہیرنے حفاظتی ضمانت کے لیے لاہور ہائی کورٹ سے رجوع کیا تھا۔

لاہورہائی کورٹ کی جسٹس عالیہ نیلم نے ظہیراحمد کی حفاظتی ضمانت کی درخواست پر سماعت کی۔

جسٹس عالیہ نیلم نے ظہیراحمد کو 14 جولائی تک گرفتارکرنے سے روک دیا ہے۔

درخواست گزارظہیراحمد  نے درخواست میں مؤقف اپنایا تھا کہ دعا زہرا سے نکاح کیا ہے، اس پر الزام لگایا جا رہا ہے کہ دعا کو اغوا کیا ہے، خدشہ ہے کہ پولیس گرفتار کر لے گی۔

عدالت نے درخواست گزارکے وکیل سے استفسار کیا کہ کب کی ایف آئی آر درج ہے؟

وکیل درخواست گزاررائے خرم نےعدالت کو جواب دیا کہ 16 اپریل کو اغوا کی ایف آئی آر درج کی گئی تھی جس پرجسٹس عالیہ نیلم نے کہا کہ توابھی تک آپ کیا کر رہے ہیں؟

عدالت نے ریمارکس دیے کہ آپ کو کییسے پتا چلا پولیس انہیں گرفتار کرنا چاہتی ہے؟ وکیل نے جواب دیا کہ تفتیشی افسرکا بیان ہے کہ وہ معاملے کو ری انوسٹی گیٹ کررہے ہیں۔

ظہراحمد نے درخواس میں یہ مؤقف بھی اپنایا کہ عدالت حفاظتی ضمانت منظور کرے تاکہ متعلقہ عدالت سے عبوری ضمانت لی جا سکے، جس پرعدالت ے 14 جولائی تک ظہیر کی حفاظتی ضمانت منظور کر لی۔

لاہورہائی کورٹ کے سنگل بنچ نے ظہیراحمد کی حفاظتی ضمانت کی درخواست پر سماعت کی۔