میری گرفتاری کو ہائی کورٹ نے غیر قانونی قرار دیا ہے، حلیم عادل شیخ

ویب ڈیسک

07th Jul, 2022. 12:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

میری گرفتاری کو ہائی کورٹ نے غیر قانونی قرار دیا ہے، حلیم عادل شیخ
مشترکہ پارلیمانی کمیٹی نے 27 ویں آئینی ترمیم متفقہ طور پر منظور کر لی، کل سینیٹ میں پیش ہو گی
کراچی میں ٹریفک کا نیا بحران، یونیورسٹی روڈ 51 دن کیلیے بند، شہری رُل گئے
جنرل ساحر شمشاد مرزا کا سعودی عرب کا سرکاری دورہ، کنگ عبدالعزیز میڈل آف آنر سے نوازا گیا

Now Reading:

میری گرفتاری کو ہائی کورٹ نے غیر قانونی قرار دیا ہے، حلیم عادل شیخ

اپوزیشن لیڈر سندھ اسمبلی حلیم عادل شیخ نے کہا ہے کہ میری گرفتاری کو ہائی کورٹ نے غیر قانونی قرار دیا ہے۔

حلیم عادل شیخ نے پنجاب اسمبلی میں اظہار خیال کرتے ہوئے کہا کہ کل جو مجھے گرفتار کیا گیا ہائی کورٹ نے گرفتاری غیر قانونی قرار دے دی، مجھے پنجاب پولیس نے اغوا کیا۔

انہوں نے کہا کہ میں سندھ اسمبلی کا نمائندہ ہونے کے ناطے پنجاب اسمبلی دیکھنے آیا ہوں، تاریخ میں پولیس کو اسمبلی کے اندر نہیں دیکھا جس طرح پنجاب اسمبلی میں حمزہ نے پولیس بلائی گئی، انہوں نے اسمبلی کے تقدس کو پامال کیا۔

اپوزیشن لیڈر حلیم عادل شیخ نے مزید کہا کہ عوام ان کے پاس رہی نہیں پولیس کے ذریعے یہ حکومت چلانا چاہتے ہیں، 17 جولائی کو ککڑی زبحہ ہونے والی ہے، سب کو مبارک ہو۔

واضح رہے کہ گزشتہ روز سندھ اسمبلی میں اپوزیشن لیڈر اور پی ٹی آئی رہنما حلیم عادل شیخ کو رات گئے لاہور کے نجی ہوٹل سے حراست میں لے لیا گیا جبکہ پولیس نے تاحال ان کی گرفتاری کی تصدیق نہیں کی۔

حلیم عادل شیخ کے ترجمان کی جانب سے جاری کردہ اس بیان پر پولیس کی تاحال تصدیق سامنے نہیں آئی ہے۔

یہ بھی پڑھیں: سادہ لباس میں اہلکار نے میرے والد کو اغوا کیا، حلیم عادل شیخ کی بیٹی کا انکشاف

دوسری جانب سابق گورنر سندھ عمران اسماعیل نے مذمت کرتے ہوئے کہا تھا کہ حلیم عادل شیخ کی گرفتاری کہیں ظاہر نہیں کی جارہی۔

انہوں نے خدشہ ظاہر کیا کہ سندھ حکومت کے جرائم پیشہ افراد نے انہیں اغوا کیا ہے، کسی بھی قسم کا نقصان ہوا تو ذمہ دار سندھ حکومت ہو گی۔