پاکستان میں کورونا وائرس کے مزید 255 افراد میں مہلک وائرس کی تشخیص ہوئی ہے۔

قومی ادارہ برائے صحت (این آئی ایچ) کی رپورٹ کے مطابق ملک میں گزشتہ 24 گھنٹے کے دوران کورونا کے 4 ہزار 674 ٹیسٹ ہوئے جس میں مزید 255 افراد وبا کا شکار ہوئے ہیں۔

این آئی ایچ کے جاری کردہ عداد و شمار کے مطابق کورونا وائرس سے 141 مریضوں کی حالت تشویشناک ہے جبکہ گزشتہ روز کورونا سے ایک مریض جاں بحق بھی ہوچکا ہے۔

COVID-19 Statistics 12 July 2022

Advertisement

Total Tests in Last 24 Hours: 4,674
Positive Cases: 255
Positivity %: 5.46%
Deaths: 01
Patients on Critical Care: 141

— NIH Pakistan (@NIH_Pakistan) July 12, 2022

این آئی ایچ کی جانب سے کی گئی ٹوئٹ کے مطابق 24 گھنٹوں میں کیے گئے مثبت کورونا ٹیسٹ کی شرح 5.46 فیصد رہی ہے۔

واضح رہے کہ دنیا بھر میں کورونا کی نئی لہر کے اثرات نے پاکستان کو بھی اپنی گرفت میں لے لیا ہے۔

پاکستان بھر میں کورونا کی ممکنہ چھٹی لہر زور پکڑنے لگی ہے جبکہ ملک گیر وبائی مرض کے مثبت کیسز کی شرح میں بھی اضافہ ریکارڈ کیا جارہا ہے۔

کورونا کی اس لہر کے بڑھتے ہوئے اثرات کی پیش نظر حکومت کی جانب سے عوام کے لئے ماسک پہننا لازمی قرار دے دیا گیا ہے۔

قومی ادارہ برائے صحت کے مطابق کورونا کے اثرات میں غیر معمولی اضافے کی پیش نظر  تمام شہریوں سے ہر جگہ ماسک پہننے کی درخواست کی گئی ہے۔

دوسری جانب ین سی او سی نے تمام پروازوں، ریلوے، اور پبلک ٹرانسپورٹ پر ماسک پہننا لازمی قرار دیا ہے۔