بھارتی پنجاب، وزیر اعلیٰ بھگونت سنگھ دریا کا پانی پی کر ہسپتال پہنچ گئے

ویب ڈیسک

22nd Jul, 2022. 12:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی پنجاب، وزیر اعلیٰ بھگونت سنگھ دریا کا پانی پی کر ہسپتال پہنچ گئے

بھارتی پنجاب کے وزیر اعلیٰ بھگونت سنگھ مان مبینہ طور پر دریا کا آلودہ پانی پی کر ہسپتال پہنچ گئے۔

بھارتی میڈیا کے مطابق عام آدمی پارٹی کے وزیر اعلیٰ بھگونت سنگھ مان کو منگل کے روز دہلی کے اسپتال داخل کرایا گیا جہاں ایک دن بعد انہیں ڈسچارج کر دیا گیا۔سوشل میڈیا پر عام آدمی پارٹی پنجاب کی جانب سے ایک ویڈیو اپ لوڈ کی گئی جس میں بھگونت سنگھ کو دریا میں سے پانی کا گلاس بھر کر پیتے ہوئے دیکھا گیا تھا۔وزیر اعلیٰ کے اسپتال داخل ہونے کی وجہ سے قیاس آرائیاں شروع ہوگئیں کہ وہ دریا کا گندا پانی پی کر بیمار ہوگئے۔

بھارتی میڈیا کے مطابق عام آدمی پارٹی کے رہنماؤں نے بھگونت سنگھ کے دریا کے پانی پینے کی وجہ سے بیمار ہونے کی خبروں کی تردید کرتے ہوئے کہا کہ وزیراعلیٰ معمول کے چیک اپ کے لیے اسپتال گئے تھے اور انہیں کل شام ڈسچارج کر دیا گیا تھا۔

واضح رہے، بھگونت سنگھ نے دریائے کالی بین کی صفائی کی 22 سالگرہ کے موقع پر دریا کا پانی یہ دکھانے کے لیے پیا کہ یہ پینے کے لیے محفوظ ہے۔

رپورٹس کے مطابق سلطان پور لودھی میں بہنے والے اس دریا میں آس پاس کے علاقے کی گندگی بہتی ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News