پاکستانی نژاد کینیڈین اداکارہ ایمان ویلانی نے سیریز مس مارول میں پاکستانی اداکار فواد خان کے ساتھ کام کرنے کے تجربے کے بارے میں بتادیا۔

حال ہی میں ایمان ویلانی نے اپنے انٹرویو میں بتایا کہ وہ تمام اداکار جنہیں میں اسکرین پر دیکھتے ہوئے بڑی ہوئی اور اب ان کے ساتھ خود کام کررہی تھی۔

اُنہوں نے بتایا کہ میری والدہ سیریز میں مجھ سے زیادہ فواد خان کو دیکھنے کے لیے پر جوش تھیں اور اس بات سے آپ لوگ خود اندازہ لگا سکتے ہیں کہ میرا تجربہ کیسا رہا۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by The Juggernaut™ (@_thejuggernaut)

Advertisement

ایمان ویلانی نے بتایا کہ سب ہی اداکار بہت اچھے ہیں اور سب سے زیادہ حیرت انگیز بات یہ ہے کہ یہ سیریز اداکاروں اور موسیقی کے ذریعے انڈیا اور پاکستان کو اسکرین پر اکٹھا کر رہی ہے۔

اداکارہ نے بتایا کہ اس سیریز میں مختلف ثقافتوں سے تعلق رکھنے والے لوگوں کی آپس میں شادیاں ہو رہی ہیں اور کسی کو بھی کسی مخصوص چیز سے منسوب نہیں کیا گیا۔

ایمان ویلانی نے کہا کہ اس سیریز کی شوٹنگ کروانا میرے لیے بہت ہی زبردست تجربہ تھا۔

اس سے قبل پاکستانی کلچر کی عکاسی کرتی سیریز مس مارول میں اداکار فواد خان کی پہلی جھلک سامنے آگئی۔

سیریز میں پاکستانی ستاروں ثمینہ احمد، مہوش حیات اور نمرہ بچہ کی اداکاری کو شائقین نے خوب سراہا جبکہ فواد خان کی انٹری نے بھی لوگوں کو خوش کردیا۔

You all don't even know how happy I am. I know it’s just gonna be a small cameo but still i am happy and actually quite emotional because I waited for so so so long to see him again onscreen. Fawad Khan actually makes me happy. 🥹❤️#FawadKhan #MsMarvel pic.twitter.com/50L5mabIBs

— Farwa 🌸🇵🇰 (@farwaa_zaidi5) June 30, 2022

گزشتہ روز ریلیز ہونے والی قسط میں کمالہ ایک پرانی تصویر دیکھ رہی ہوتی ہیں اور اس بلیک اینڈ وائٹ تصویر پر فواد خان ایک بچی کے ساتھ کھڑے نظر آرہے ہیں۔

the way i jumped omg fawad khan in next weeks episode let’s gooo pic.twitter.com/E4lUrcKCfJ

— shameen⁷⁺⁴ (REST) (@illicitseoks) June 30, 2022

قسط کے کریڈٹس میں بھی فواد خان کا نام نظر آیا جس کے بعد مداحوں کو یقین ہوگیا کہ آنے والی قسطوں میں وہ فواد خان کو دیکھ سکیں گے۔

اس سے قبل ریلیز ہونے والی قسط میں مس مارول کی کراچی میں انٹری دکھائی گئی تھی جس کے بعد ناظرین خوش ہوگئے کہ کراچی شہر کے مختلف مقامات بھی دیکھنے کو ملیں گے۔

واضح رہے کہ مس مارول کی کہانی کمالہ خان نامی پاکستانی نژاد امریکی لڑکی کے گرد گھومتی ہے۔ یہ لڑکی منفرد صلاحیتوں کی مالک ہے۔

اس سیریز میں پاکستانی کچلر کو بہترین انداز میں پیش کیا گیا ہے اور  سندھی شادی کی رسم لاؤں کو بھی سیریز میں شامل کیا گیا ہے جس سے پاکستانی ناظرین میں خوشی کی لہر دوڑ گئی۔

مس مارول کوامریکا سمیت دنیا بھر میں 8 جون کو ڈزنی پلس پر ریلیز کیا گیا تاہم پاکستان میں مذکورہ اسٹریمنگ ویب سائٹ نہ ہونے کی وجہ سے اسے سنیما گھروں میں قسط وار دکھایا جارہا ہے۔