میٹا کی ذیلی کمپنی انسٹا گرام نے شدید تنقید کے بعد حال ہی میں پیش کیے گئے فیچرکوختم کرنے کا اعلان کردیا ہے۔

انسٹا گرام نے گزشتہ ہفتے ہی اپنی ایپلی کیشن پرویڈیومواد میں اضافے کا فیچرجاری کیا تھا۔

انسٹا گرام نے اس فیچرکوکافی حد تک اپنی حریف ایپلی کیشن ٹک ٹاک سے ملتا جلتا بنایا تھا۔ تاہم، اس فیچرکے ڈسپلے اورفیڈزکوصارفین کی جانب سے شدید تنقید کا نشانہ بنایا گیا۔

 یہ بھی پڑ ھیں: انسٹا گرام کا ریلز میں تخلیق کاروں کے لیے بہترین ٹول کا اضافہ

اس بابت صارفین کا کہنا تھا کہ وہ خصوصی طورپرتصاویرشیئرکرنے کے لیے بنائی گئی ایپ پرہی اپنے دوستوں اور گھروالوں کی تصاویردیکھنے سے محروم ہوگئے ہیں۔

ڈیجیٹل تجزیہ کارکمپنی سینسرٹاورکی رپورٹ کے مطابق ویڈیوشیئرنگ ایپلی کیشن ٹک ٹاک دنیا کی مقبول ترین ایپلی کیشن بن چکی ہے اوراسے اب تک دنیا بھرمیں 3 ارب سے زائد بارڈاؤن لوڈ کیا جاچکا ہے۔

انسٹا گرام کے سربراہ ایڈم موسیری کا کہنا ہے کہ انسٹا گرام فیڈ میں ریکمینڈڈ ویڈیوکانٹینٹ کے تجرباتی ورژن کوچند ہی ہفتوں میں تبدیل کردیا جائے گا۔

اپنی ٹوئٹ میں ان کا کہنا تھا کہ’ مجھے اس بات کی خوشی ہے کہ ہم نے تبدیلی کے لیے رسک لیا، ہم نے کچھ بڑا کرنے کا سوچا تھا، لیکن ہمیں اپنے اس فیصلے کوواپس لینے کی ضرورت ہے، اس سے ہم نے بہت کچھ سیکھا اورہم ایک بارپھرنئے تصورات کے واپسی کا اعادہ کرتے ہیں۔‘

یاد رہے کہ چندروزقبل ہی ایڈم موسیری نے اس فیچرکی تائید میں ٹوئٹ کیا تھا کہ’ ہم اپنے پلیٹ فارم پرزیادہ سے زیادہ ویڈیوکانٹینٹ کوفروغ دینے کے لیے پُرعزم ہیں اورتصاویرپرفل اسکرین ویڈیوزکوفروغ دیا جائے گا۔

One thing I hear a lot is people asking to see more friend content in Feed. I'd love for there to be more friend content in feed, but all the growth in photos and videos from friends has been in stories and in DMs.

Advertisement

— Adam Mosseri (@mosseri) July 26, 2022

ان کی اس ٹوئٹ پرصارفین کے سخت ردعمل نے انہیں اپنے موقف میں لچک پرمجبورکردیا اورانہوں نے کہا کہ’ ہم تصاویرکوبھی سپورٹ کرتے رہیں گے۔‘

یہ بھی پڑھیں: انسٹا گرام کا ’ریلز‘ فیچرمیں بڑی تبدیلی کا اعلان

یاد رہے کہ انسٹاگرام کے اس فیچرنے دنیا کی مشہورشخصیات کو بھی احتجاج پرمجبورکردیا ہے۔ جب کہ امریکی ٹی وی اسٹارکم کاردیشین اوران کی چھوٹی بہن کائلی جینرزنے انسٹاگرام کے خلاف ایک مہم کا آغازبھی کردیا ہے۔

انسٹا گرام پرسب سے زیادہ فالووزرکھنے والی کائلی جینرزنے اس ایپ میں اہم تبدیلی پرشدید تنقید کرتے ہوئے کہا تھا کہ انسٹا گرام کو پہلے والا انسٹا گرام ہی بنایا جائے جس میں ویڈیوزسے زیادہ تصاویرشیئرکی جاتی تھی۔‘

ان کا مزید کہنا تھا کہ انسٹاگرام کوٹک ٹاک بنانے کی کوشش نہ کی جائے کیوں کہ اس پرمیں صرف اپنے دوستوں کی تصاویردیکھنا چاہتی ہوں۔

کاردیشین سسٹرزکی جانب سے شروع کی گئی مہم انسٹاگرام کودوبارہ انسٹا گرام بناؤ‘ میں بہت سی سیلےبریٹیز شامل ہوچکی ہیں ۔

 یہ بھی پڑ ھیں: انسٹا گرام سے سالوں کی دوری کے باوجود سلینا گومز کے کروڑوں فالوورز

واضح رہے کہ انسٹا گرام نے رواں سال مئی میں اعلان کیا تھا کہ وہ صارفین کی سہولت کے لیےمرکزی فیڈ میں ویڈیواورتصاویردونوں کو عمودی شکل میں پیش کرنے کا تجربہ کررہے ہیں۔

اس بابت انسٹا گرام کے سربراہ ایڈم موسیری کا کہنا تھا کہ ہم انسٹا گرام کو ایک ایسے مقام پرلے جارہے ہیں جہاں ویڈیوزاس کا بڑا حصہ ہوں گی۔

 یہ بھی پڑ ھیں: انسٹا گرام کا ریلز میں تخلیق کاروں کے لیے بہترین ٹول کا اضافہ

 ایڈم موسیری نے گزشتہ روزاپنی ٹوئٹ میں بھی اس بات کا اعتراف کیا تھا کہ ایپلی کیشن میں ہونے والی یہ تبدیلی اچھی نہیں، لیکن ہماری بقا کے لیے یہ بہت ضروری ہے۔

ان کا یہ بھی کہنا تھا کہ ’ایمان داری سے میں یہ کہوں گا کہ انسٹاگرام میں وقت کے ساتھ ساتھ ساتھ زیادہ سے زیادہ ویڈیومواد ہوگا۔ تخلیق کارانسٹا گرام کے مستقبل کے لیے بہت ضروری ہیں اورہم اس بات کو یقینی بنانا چاہتے ہیں کہ وہ بہت زیادہ کام یاب ہوں اور انہیں وہ سارا کریڈ ٹ ملے جس کے وہ مستحق ہیں۔‘